ಶನಿವಾರಸಂತೆ, ಮೇ 15: ಯಸಳೂರು ಹೋಬಳಿಯ ಬೆಕ್ಕನಹಳ್ಳಿ ಗ್ರಾಮದ ನಿವಾಸಿ ಕೂಲಿ ಕಾರ್ಮಿಕ ಬಿ.ಟಿ. ಪುನೀತ್ ಎಂಬವರು ತಮ್ಮ ಸಂಬಂಧಿ ಹರೀಶ ಎಂಬಾತನೊಂದಿಗೆ ಕೆಲಸಕ್ಕೆಂದು ಬೈಕ್ (ಕೆಎ-46, ಇ-7257) ನಲ್ಲಿ ಶನಿವಾರಸಂತೆಗೆ ಬಂದು ಸಂಜೆ ಹಿಂತಿರುಗುತ್ತಿದ್ದಾಗ ಕಾಲೂರು ರಸ್ತೆಯಲ್ಲಿ ಬೈಕ್ ಅಪಘಾತಕ್ಕೀಡಾಗಿದೆ. ಹರೀಶ್ ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿ ಬೈಕ್‍ನ್ನು ಕೆಳಗೆ ಬೀಳಿಸಿದ ಪರಿಣಾಮ ಪುನೀತ್ ಕಾಲಿಗೆ ಗಾಯ ಉಂಟಾಗಿ ಶನಿವಾರಸಂತೆ ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.