ನಾಪೆÇೀಕ್ಲು, ಮೇ. 15: ನಾಪೆÇೀಕ್ಲು ಜನರಲ್ ಕೆ.ಎಸ್.ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ನಡುವಿನ ಕುಲ್ಲೇಟಿರ ಕಪ್ ಹಾಕಿ ನಮ್ಮೆಯ ಇಪ್ಪತ್ತೊಂಬತ್ತನೆ ದಿನದ ಪಂದ್ಯಾಟದಲ್ಲಿ ಪರದಂಡ, ಬೊವ್ವೇರಿಯಂಡ, ಅಂಜಪರವಂಡ, ಚೆಪ್ಪುಡಿರ ತಂಡಗಳು ಕ್ವಾರ್ಟರ್ ಫೈನಲ್ಸ್ ಪ್ರವೇಶಿಸಿವೆ.

ಬೆಳಿಗ್ಗೆ ಆರಂಭಗೊಂಡ ಬಿದ್ದಾಟಂಡ ಕಪ್ ಹಾಕಿ ನಮ್ಮೆಯ ರನ್ನರ್ಸ್ ಪರದಂಡ ಮತ್ತು ಕೊಂಗೇಟಿರ ತಂಡಗಳ ನಡುವಿನ ಮೊದಲ ಪಂದ್ಯದಲ್ಲಿ ಪರದಂಡ ತಂಡವು ಕೊಂಗೇಟಿರ ತಂಡವನ್ನು 2-0 ಗೋಲಿನಿಂದ ಪರಾಭವಗೊಳಿಸಿ ಕ್ವಾರ್ಟರ್ ಫೈನಲ್ಸ್ ಪ್ರವೇಶಿಸಿತು. 22ನೇ ನಿಮಿಷದಲ್ಲಿ ಧೀರಜ್ ಮುತ್ತಣ್ಣ ಮತ್ತು 27ನೇ ನಿಮಿಷದಲ್ಲಿ ಕೀರ್ತನ್ ತಂಡದ ಪರ ಒಂದೊಂದು ಗೋಲು ದಾಖಲಿಸಿದರು. ಬೊವ್ವೇರಿಯಂಡ ಮತ್ತು ಮಾಜಿ ಚಾಂಪಿಯನ್ ನೆಲ್ಲಮಕ್ಕಡ ತಂಡಗಳ ನಡುವಿನ ಪಂದ್ಯದಲ್ಲಿ ಬೊವ್ವೇರಿಯಂಡ ತಂಡವು 3-2 ಗೋಲಿನಿಂದ ಮಣಿಸಿತು. ಬೊವ್ವೇರಿಯಂಡ ತಂಡದ ಪರ ಸುಜೀತ್ ಎರಡು ಮತ್ತು ಸಚಿನ್ ಒಂದು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ನೆಲ್ಲಮಕ್ಕಡ ತಂಡದ ಪರ ಪೂವಣ್ಣ, ಸುಬ್ರಮಣಿ ತಲಾ ಒಂದೊಂದು ಗೋಲು ದಾಖಲಿಸಿದರು.

ಮಾಜಿ ಚಾಂಪಿಯನ್ ಅಂಜಪರವಂಡ ಮತ್ತು ಚೆಕ್ಕೆರ ತಂಡಗಳ ನಡುವಿನ ಪಂದ್ಯದಲ್ಲಿ ಅಂಜಪರವಂಡ ತಂಡವು ಚೆಕ್ಕೆರ ತಂಡವನ್ನು

3-0 ಗೋಲಿನ ಅಂತರದಿಂದ ಪರಾಭವಗೊಳಿಸಿತು. ಅಂಜಪರವಂಡ ತಂಡದ ಪರ ಜನತ್ ಹ್ಯಾಟ್ರಿಕ್ ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು.

ಚೆಪ್ಪುಡಿರ ಮತ್ತು ಮಾಜಿ ಚಾಂಪಿಯನ್ ಮಂಡೇಪಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಚೆಪ್ಪುಡಿರ ತಂಡವು ಮಂಡೇಪಂಡ ತಂಡವನ್ನು 3-1 ಗೋಲಿನಿಂದ ಸೋಲಿಸಿತು. ಚೆಪ್ಪುಡಿರ ತಂಡದ ಪರ ವಚನ್ ಎರಡು ಮತ್ತು ಚೇತನ್ ಒಂದು ಗೋಲು ದಾಖಲಿಸಿದರೆ, ಮಂಡೇಪಂಡ ತಂಡದ ಪರ ಸಜನ್ ಒಂದು ಗೋಲು ದಾಖಲಿಸಿದರು.

-ಪಿ.ವಿ.ಪ್ರಭಾಕರ್