ಮಡಿಕೇರಿ, ಮೇ 17 : ವಿಷ್ಣು ಕ್ರಿಯೇಷನ್ಸ್ ಲಾಂಛನದಡಿ ತಯಾರಾಗುತ್ತಿರುವ ಮೊಟ್ಟ ಮೊದಲ ಅರೆಭಾಷಾ ಸಾಂಸಾರಿಕ ಕಿರು ಚಿತ್ರದ ಟ್ರೈಲರ್ ಬಿಡುಗಡೆಗೊಳಿಸಲಾಯಿತು.

ಕಾವೇರಿ ಬಡಾವಣೆಯಲ್ಲಿರುವ ಕಳಂಜನ ಐನ್‍ಮನೆಯಲ್ಲಿ ನಡೆದ ಸರಳ ಸಮಾರಂಭದಲ್ಲಿ ‘ಶಕ್ತಿ’ ಉಪಸಂಪಾದಕ ಹಾಗೂ ಚಿತ್ರದ ಪಾತ್ರಧಾರಿಯೂ ಆಗಿರುವ ಕುಡೆಕಲ್ ಸಂತೋಷ್ ಬಿಡುಗಡೆ ಮಾಡಿದರು. ಕೊಡಗಿನ ಸುತ್ತ ಮುತ್ತಲ ಸುಂದರ ಪರಿಸರ, ಐನ್‍ಮನೆಗಳಲ್ಲಿ ಚಿತ್ರೀಕರಣಗೊಂಡಿರುವ ಚಿತ್ರದಲ್ಲಿ ಅಣ್ಣ-ತಮ್ಮಂದಿರ ಆಸ್ತಿ ಕಲಹದಲ್ಲಿ ಬಾಲಕಿಯೋರ್ವಳು ಏಕಾಂಗಿಯಾಗಿ ಮತ್ತೆ ಕುಟುಂಬ ಸೇರುವ ಕಥಾ ಹಂದರ ಹೊಂದಿದ್ದು, ಚಿತ್ರದಲ್ಲಿ 30ಕ್ಕೂ ಅಧಿಕ ಮಂದಿ ಅರೆಭಾಷೆ ಕಲಾವಿದರು ಪಾತ್ರ ನಿರ್ವಹಿಸಿರುವದು ವಿಶೇಷವಾಗಿದೆ. ಈ ಸಂದರ್ಭ ಅತಿಥಿಗಳಾದ ಚೊಕ್ಕಾಡಿ ಪ್ರೇಮ, ಕುಡೆಕಲ್ ಸವಿತಾ ಸಂತೋಷ್, ಕಳಂಜನ ಅಪ್ಪಯ್ಯ, ಜಾಜಿ ಅಪ್ಪಯ್ಯ, ಚಿತ್ರದ ನಿರ್ದೇಶಕ ಕಳಂಜನ ವಿಷ್ಣು, ಸಹಾಯಕ ನಿರ್ದೇಶಕ ಶಿಲ್ಪಕ್ ಮೋಹನ್, sಕ್ಯಾಮರಾಮೆನ್ ದಿವಾಕರ್ ಬೋಜಪ್ಪ (ಜಾಕಿ), ಎಡಿಟರ್ ಗೌರೀಶ್, ತಾಂತ್ರಿಕ ಸಹಾಯಕ ಮೋಕ್ಷಿತ್ ಪೆರುಮುಂಡ, ಚಿತ್ರದ ಪಾತ್ರಧಾರಿಗಳು ಹಾಜರಿದ್ದರು.