ಮಡಿಕೇರಿ, ಮೇ 17: ಮನೆಯಲ್ಲಿ ಯಾರು ಇಲ್ಲದ ವೇಳೆ ಬಾಗಿಲು ಮುರಿದು ಕರಿಮೆಣಸು ಹಾಗೂ ಮತ್ತಿತರ ಸಾಮಗ್ರಿಗಳನ್ನು ಕಳ್ಳರು ದೋಚಿರುವ ಘಟನೆ ನಡೆದಿದೆ.

ವೀರಾಜಪೇಟೆ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ ಬಿಳುಗುಂದ ಗ್ರಾಮದ ಮುಂಡೋಣಿಯಲ್ಲಿ ಎಂ.ಸಿ. ಮಂದಣ್ಣ ಅವರ ನಿವಾಸದಲ್ಲಿ ಘಟನೆ ನಡೆದಿದ್ದು, ರೂ. 80 ಸಾವಿರ ಮೌಲ್ಯದ 25 ಕೆ.ಜಿ. ಕರಿಮೆಣಸು, ಒಂದು ಪೀಚೆಕತ್ತಿ, ಎಲ್‍ಸಿಡಿ ಟಿವಿ ಹಾಗೂ ತೂಗುದೀಪ ಮತ್ತು ಬಟ್ಟೆಗಳಿದ್ದ ಸೂಟ್‍ಕೇಸನ್ನು ಕಳ್ಳರು ದೋಚಿದ್ದಾರೆ. ತಾ. 14 ರಂದು ರಾತ್ರಿ ಕೃತ್ಯ ನಡೆದಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಶ್ವಾನದಳ ಕೂಡ ಘಟನೆ ನಡೆದ ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿತು.