ಗೋಣಿಕೊಪ್ಪ ವರದಿ, ಜೂ. 17: ಬಾಳಾಜಿ ಗ್ರಾಮದಲ್ಲಿ ಕಾಡಾನೆಗಳ ದಾಂಧಲೆಯಿಂದಾಗಿ ಅಪಾರ ಬೆಳೆ ಹಾನಿ ಸಂಭವಿಸಿದೆ. ಅಲ್ಲಿನ ಚಿರಿಯಪಂಡ ಸಾಬು ಎಂಬವರಿಗೆ ಸೇರಿದ ತೋಟದಲ್ಲಿ ಸುಮಾರು 7 ಆನೆಗಳು ಬೆಳೆ ಹಾನಿ ಮಾಡಿವೆ.

ತೋಟದಲ್ಲಿ ಅಡಿಕೆ ಮತ್ತು ಬಾಳೆ ಗಿಡಗಳನ್ನು ಮುರಿದು ಹಾಕಿವೆ. ಪರಿಣಾಮ ಬಾಳೆ ಫಸಲು ನಷ್ಟ ಉಂಟಾಗಿದೆ. ಅಡಿಕೆ ಮರಗಳು ನೆಲಕಚ್ಚಿವೆ. ಗ್ರಾಮದಲ್ಲಿ ಸೇರಿಕೊಂಡಿರುವ ಆನೆಗಳ ಹಿಂಡು ಮತ್ತೆ ಗ್ರಾಮಕ್ಕೆ ನುಸುಳುತ್ತಿರುವದು ಅರಣ್ಯ ಇಲಾಖೆಗೆ ತೊಂದರೆಯಾಗಿದೆ. ತಿತಿಮತಿ ಆರ್‍ಆರ್‍ಟಿ ತಂಡ ಸ್ಥಳಕ್ಕೆ ಬೇಟಿ ನೀಡಿ ಪರಿಶೀಲನೆ ನಡೆಸಿದೆ. ಆನೆಗಳನ್ನು ಕಾಡಿಗಟ್ಟಲು ಮಳೆ ತೊಡಕ್ಕಾಗಿದೆ.