ವೀರಾಜಪೇಟೆ, ಜೂ. 17: ಅಂತರ್ರಾಷ್ಟ್ರೀಯ ಹಾಕಿ ಆಟಗಾರ ಕೊಡಗಿನ ಮೇಕೇರಿರ ನಿತಿನ್ ತಿಮ್ಮಯ್ಯ ಅವರ ವಿವಾಹ ನಿಶ್ಚಿತಾರ್ಥ ಸಮಾರಂಭ ಇಂದು ವೀರಾಜಪೇಟೆಯ ಸೆರಿನಿಟಿ ಹಾಲ್‍ನಲ್ಲಿ ಸಂಭ್ರಮದಿಂದ ನೆರವೇರಿತು.ಹಾಕಿ ಕೂರ್ಗ್‍ನ ಉಪಾಧ್ಯಕ್ಷರಾದ ಮೇಕೇರಿರ ರವಿ ಪೆಮ್ಮಯ್ಯ ಅವರ ಪುತ್ರ ನಿತಿನ್ ತಿಮ್ಮಯ್ಯ ಅವರು ಕುರ್ಚಿ ಗ್ರಾಮದ ಮದ್ರೀರ ವಿಷ್ಣು ಅವರ ಪುತ್ರಿ ವಿಷ್ಮಾಳನ್ನು ಬಾಳ ಸಂಗಾತಿಯಾಗಿ ಸ್ವೀಕರಿಸಿದ್ದು, ಇಂದು ನಿಶ್ಚಿತಾರ್ಥ ಸಮಾರಂಭ ನೆರವೇರಿತು. ಈ ಕಾರ್ಯಕ್ರಮದಲ್ಲಿ ಜಿಲ್ಲೆಯ ಬಹುತೇಕ ಖ್ಯಾತನಾಮ ಹಾಕಿ ಆಟಗಾರರು, ತೀರ್ಪುಗಾರರು ಪಾಲ್ಗೊಂಡಿದ್ದು, ಸೆರಿನಿಟಿ ಹಾಲ್‍ನಲ್ಲಿ ಇಂದು ಹಾಕಿ ಪಟುಗಳ ಸಮಾಗಮ ಕಂಡುಬಂದಿತು.ಹಾಕಿ ಆಟಗಾರರಾದ ಎಸ್.ಕೆ. ಉತ್ತಪ್ಪ, ವಿ.ಆರ್. ರಘುನಾಥ್, ನಿಕಿನ್ ತಿಮ್ಮಯ್ಯ, ವಿ.ಎಸ್. ವಿನಯ್, ಕರಿನೆರವಂಡ ಸೋಮಣ್ಣ, ಪ್ರಧಾನ್ ಸೋಮಣ್ಣ, ಅವರೆಮಾದಂಡ ಕುಟ್ಟಪ್ಪ, ಪುಲಿಯಂಡ ತಿಮ್ಮಣ್ಣ, ಬಲ್ಲಚಂಡ ಲೆನ್ ಅಯ್ಯಪ್ಪ, ಎಂ.ಬಿ. ಸೋಮಣ್ಣ, ಓಮನ್ ತಂಡದ ಕೋಚ್ ಕೂತಂಡ ಪೂಣಚ್ಚ ಹಾಕಿ ಕೂರ್ಗ್ ಅಧ್ಯಕ್ಷ ಅಂತರ್ರಾಷ್ಟ್ರೀಯ ಹಾಕಿ ಆಟಗಾರ ಪೈಕೇರ ಕಾಳಯ್ಯ, ಬುಟ್ಟಿಯಂಡ ಚಂಗಪ್ಪ, ಪದಾಧಿಕಾರಿ ಕಳ್ಳಿಚಂಡ ಪ್ರಸಾದ್ ಸೇರಿದಂತೆ ಹಾಕಿಗೆ ಸಂಬಂಧಿಸಿದ ಹಲವರು ಒಂದೆಡೆ ಸಂಭ್ರಮದಿಂದ ಭಾಗಿಗಳಾಗಿದ್ದರು.ನಿತಿನ್ ತಿಮ್ಮಯ್ಯ ಭಾರತ ತಂಡವನ್ನು ಪ್ರತಿನಿಧಿಸಿದ್ದು, ಪ್ರಸ್ತುತ ಎ.ಜಿ.ಓ.ಆರ್.ಸಿ.ಯಲ್ಲಿ ಉದ್ಯೋಗ ದಲ್ಲಿದ್ದಾರೆ. ವಿಷ್ಮಾ ಬೆಂಗಳೂರಿನಲ್ಲಿ ಕಂಪೆನಿಯೊಂದರಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ.