ಮಡಿಕೇರಿ, ಜೂ. 22: ಪೊನ್ನಂಪೇಟೆಯ ಶ್ರೀ ರಾಮಕೃಷ್ಣ ಶಾರದಾಶ್ರಮದ ವತಿಯಿಂದ ತಾ. 23 ರಂದು (ಇಂದು) ಶಿಕ್ಷಕರಿಗಾಗಿ ‘ಟೀಚರ್ಸ್ ಕನ್ವೆಂಶನ್’ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಬೆಳಿಗ್ಗೆ 9.30ಕ್ಕೆ ಆರಂಭವಾಗುವ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಆಶ್ರಮದ ಅಧ್ಯಕ್ಷ ಬೋಧಸ್ವರೂಪನಂದಜಿ ವಹಿಸಲಿದ್ದಾರೆ.

ಮುಖ್ಯ ಅತಿಥಿಯಾಗಿ ದಕ್ಷಿಣ ಆಫ್ರಿಕಾದ ಜೋಹಾನ್ಸ್ ಬರ್ಗ್‍ನ ವೇದಾಂತ ಸಂಘದ ಉಸ್ತುವಾರಿ ಸ್ವಾಮಿ ಸಾತ್ವಾರಾಮಾನಂದಜೀ, ಅತಿಥಿಗಳಾಗಿ ಕ್ಷೇತ್ರ ಶಿಕ್ಷಣಾಧಿಕಾರಿ ಲೋಕೇಶ್ ಆಗಮಿಸಲಿದ್ದಾರೆ. ಸಂಪನ್ಮೂಲ ವ್ಯಕ್ತಿಗಳಾಗಿ ಮೈಸೂರಿನ ಮಹಾರಾಣಿ ಕಾಲೇಜಿನ ನಿವೃತ್ತ ಪ್ರಾಧ್ಯಾಪಕಿ ಡಾ. ಪ್ರಸನ್ನಾಕ್ಷಿ, ಶಿವಮೊಗ್ಗದ ಲೈಫ್ ಸಂಸ್ಥೆಯ ನಿರ್ದೇಶಕ ಆರ್. ಲೋಕನಾಥ್, ಡಾ. ಗೌರಿ ರೊಕ್ಕಂ ಆಗಮಿಸಲಿದ್ದಾರೆಂದು ಆಶ್ರಮದ ಪ್ರಕಟಣೆ ತಿಳಿಸಿದೆ