ಗೋಣಿಕೊಪ್ಪ ವರದಿ, ಜೂ. 22: ಕಾವೇರಿ ಕಾಲೇಜು ಆವರಣದಲ್ಲಿ ಸ್ಥಾಪಿಸಿರುವ ಫೀಲ್ಡ್ ಮಾರ್ಷಲ್ ಕೆ.ಎಂ. ಕಾರ್ಯಪ್ಪ ಹಾಗೂ ಜನರಲ್ ತಿಮ್ಮಯ್ಯ ಅವರ ಪ್ರತಿಮೆಗೆ ನಿರ್ಮಿಸಿರುವ ಮೆಟ್ಟಿಲುಗಳು ಮಳೆಯಿಂದ ಕುಸಿದಿದ್ದು, ಪ್ರತಿಮೆಯತ್ತ ತೆರಳಲು ಆಗದ ಪರಿಸ್ಥಿತಿ ನಿರ್ಮಾಣವಾಗಿದೆ.

ಹಲವು ತಿಂಗಳ ಹಿಂದಷ್ಟೆ ಪ್ರತಿಮೆ ಅನಾವರಣ ನಡೆಸಲಾಗಿತ್ತು. ಎತ್ತರದಲ್ಲಿರುವ ಪ್ರತಿಮೆಗೆ ಹತ್ತಿ ಹೋಗಲು ಬರೆಯ ಮೇಲೆ ಮೆಟ್ಟಿಲುಗಳನ್ನು ನಿರ್ಮಿಸಲಾಗಿತ್ತು. ಆದರೆ, ಮಳೆಯ ಕಾರಣದಿಂದ ಮಣ್ಣು ಕುಸಿದಿರುವದರಿಂದ ಮೆಟ್ಟಿಲುಗಳು ಜಾರಿವೆ. ತುರ್ತಾಗಿ ದುರಸ್ತಿ ಕಾರ್ಯ ನಡೆಯಬೇಕಿದೆ. ಅತ್ತ ತೆರಳದಂತೆ ಸೂಚನಾ ಫಲಕ ನಿರ್ಮಿಸಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.

ವರದಿ - ಸುದ್ದಿಪುತ್ರ