ಗೋಣಿಕೊಪ್ಪ ವರದಿ, ಜೂ. 24: ಬೆಸಗೂರು ಗ್ರಾಮದಲ್ಲಿ ಹುಲಿ ಹೆಜ್ಜೆ ಗ್ರಾಮಸ್ಥರಲ್ಲಿ ಆತಂಕ ಮೂಡಿಸಿದೆ. ಅಲ್ಲಿನ ಪುಳ್ಳಂಗಡ ನಟೇಶ್ ಎಂಬವರ ಕಾಫಿ ತೋಟದಲ್ಲಿ ಹುಲಿ ಹೆಜ್ಜೆ ಗುರುತು ಪತ್ತೆಯಾಗಿದೆ. ಹಲವು ದಿನಗಳ ಹಿಂದಷ್ಟೆ ಗ್ರಾಮದಲ್ಲಿ ಹುಲಿ ಧಾಳಿ ನಡೆಸಿ ಹಸುವನ್ನು ಕೊಂದು ಹಾಕಿತ್ತು. ನಂತರದ ದಿನಗಳಲ್ಲಿ ಬೋನು ಅಳವಡಿಸಿದರಾದರೂ ಹುಲಿ ಬೆಸಗೂರು ಗ್ರಾಮದಿಂದ ಕಾಲ್ಕಿತ್ತು ಕೊಟ್ಟಗೇರಿಯಲ್ಲಿ ಧಾಳಿ ನಡೆಸಿತ್ತು. ಮತ್ತೆ ಗ್ರಾಮದಲ್ಲಿ ಹುಲಿಯ ಹೆಜ್ಜೆ ಗುರುತು ಪತ್ತೆಯಾಗಿರುವದರಿಂದ ಗ್ರಾಮದಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿದೆ. ಹುಲಿ ಮತ್ತೆ ಗ್ರಾಮದಲ್ಲಿ ಧಾಳಿ ನಡೆಸುವ ಬಗ್ಗೆ ಗ್ರಾಮಸ್ಥರು ಆತಂಕ ವ್ಯಕ್ತಪಡಿಸಿದ್ದಾರೆ.

- ಸುದ್ದಿಪುತ್ರ