ಸೋಮವಾರಪೇಟೆ, ಜು.1: ತಾಲೂಕು ಗ್ರಾಮ ಸಹಾಯಕರ ಸಂಘದ ಅಧ್ಯಕ್ಷರಾಗಿ ಎಚ್.ಸಿ. ಸುರೇಶ್, ಕಾರ್ಯ ದರ್ಶಿಯಾಗಿ ಲೀನಾ ಡಿಸೋಜ ಅವರುಗಳು ಆಯ್ಕೆಯಾಗಿದ್ದಾರೆ.

ಪಟ್ಟಣದ ಸರಕಾರಿ ನೌಕರರ ಭವನದಲ್ಲಿ ನಡೆದ ವಾರ್ಷಿಕ ಮಹಾಸಭೆಯಲ್ಲಿ ನೂತನ ಆಡಳಿತ ಮಂಡಳಿಯನ್ನು ರಚಿಸಲಾಯಿತು. ಸಂಘದ ಉಪಾಧ್ಯಕ್ಷರಾಗಿ ಎಚ್.ಕೆ. ತುಂಗಪ್ಪ, ಸಹಕಾರ್ಯದರ್ಶಿಯಾಗಿ ಎಸ್.ಎಸ್. ಯಶೋಧ, ಖಜಾಂಚಿಯಾಗಿ ಶಶಿಕುಮಾರ್, ಗೌರವಾಧ್ಯಕ್ಷರಾಗಿ ಟಿ.ಎನ್. ಪುಪ್ಪ ಸೇರಿದಂತೆ ಏಳು ಮಂದಿ ನಿರ್ದೇಶಕರನ್ನು ಆಯ್ಕೆ ಮಾಡಲಾಯಿತು.