ಸುಂಟಿಕೊಪ್ಪ, ಜು. 1: ಸುಂಟಿಕೊಪ್ಪ ಪದವಿಪೂರ್ವ ಕಾಲೇಜಿಗೆ ನೂತನ ಪ್ರಾಚಾರ್ಯರಾಗಿ ಪಿ.ಎಸ್. ಜಾನ್ ನೇಮಕಗೊಂಡಿದ್ದಾರೆ. ಕಾಲೇಜಿನ ಆಡಳಿತ ಮಂಡಳಿ ಹಾಗೂ ಉಪನ್ಯಾಸಕರು, ಮತ್ತು ವಿದ್ಯಾರ್ಥಿಗಳಿಂದ ಸ್ವಾಗತ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ಈ ಸಂದರ್ಭ ನಿರ್ಗಮಿತ ಪ್ರಬಾರ ಪ್ರಾಂಶುಪಾಲ ಸೋಮಚಂದ್ರ ಮಾತನಾಡಿ, 30 ವರ್ಷಗಳಿಂದ ಒಡನಾಡಿಯಾದ ಆತ್ಮೀಯರಾದ ಜಾನ್ ಸಂಸ್ಥೆಯ ಪ್ರಾಂಶುಪಾಲರಾಗಿ ನೇಮಕಗೊಂಡಿರುವದು ಸಂತಸ ತಂದಿದೆ ಎಂದರು. ಕಾಲೇಜಿನ ಆಡಳಿತ ಮಂಡಳಿ ಅಧ್ಯಕ್ಷ ಯಂಕನ ಕರುಂಬಯ್ಯ ಹಾಗೂ ಸದಸ್ಯರು ಪಿ.ಎಸ್. ಜಾನ್ ಅವರಿಗೆ ಗೌರವಿಸಿದರು.

ಈ ಸಂದರ್ಭ ಆಡಳಿತ ಮಂಡಳಿ ಖಜಾಂಚಿ ರಮೇಶ್ ಪಿಳ್ಳೆ, ಸದಸ್ಯರುಗಳಾದ ಮಹೇಂದ್ರ, ಬಿ.ಕೆ. ವಿಶ್ವನಾಥ ಉಪನ್ಯಾಸಕರುಗಳಾದ ಈಶ, ಪಿಲಿಫ್‍ವಾಸ್, ಉಪನ್ಯಾಸಕಿಯರುಗಳಾದ ಮಂಜುಳ, ಕವಿತ, ದಮಯಂತಿ, ಕವಿತಾ ಭಕ್ತ್, ಸುಕನ್ಯ ಹಾಗೂ ಮತ್ತಿತರರು ಇದ್ದರು.