ಸುಂಟಿಕೊಪ್ಪ, ಜು. 3: ಗದ್ದೆಹಳ್ಳ ಸರಕಾರಿ ಮಾದರಿ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕಿಯಾಗಿ ಕರ್ತವ್ಯ ನಿರ್ವಹಿಸಿ ನಿವೃತ್ತಿ ಹೊಂದಿದ ತಾರಾಮಣಿ ಅವರಿಗೆ ತಾಲೂಕು ಬಿಆರ್‍ಸಿ ಮಾಲತಿ, ತಾಲೂಕು ಶಿಕ್ಷಕರು ಹಾಗೂ ಶಾಲಾ ಎಸ್‍ಡಿಎಂಸಿಯವರು ಸಹೊದ್ಯೋಗಿಗಳು ಸನ್ಮಾನಿಸಿ ಗೌರವಿಸಿದರು. ತಾಲೂಕು ಶಿಕ್ಷಕರ ಸಂಘದ ಅಧ್ಯಕ್ಷ ಮಂಜುನಾಥ್ ಮಾತನಾಡಿ, ಶಿಕ್ಷಕರ ಹುದ್ದೆಯು ಬಲು ಕ್ಲಿಷ್ಟಕರವಾಗುತ್ತಿದೆ. ಶಿಕ್ಷಕರು ಹೆಚ್ಚಿನ ಒತ್ತಡದ ನಡುವೆ ಕಾರ್ಯ ನಡೆಸ ಬೇಕಾಗಿದೆ ಎಂದರು. ಸಮಾರಂಭದ ಅಧ್ಯಕ್ಷತೆಯನ್ನು ಶಾಲಾ ಎಸ್‍ಡಿಎಂಸಿ ಉಪಾಧ್ಯಕ್ಷೆ ಸರೋಜ ವಹಿಸಿದ್ದರು.

ಸಮಾರಂಭದ ವೇದಿಕೆಯಲ್ಲಿ ಸೋಮವಾರಪೇಟೆ ತಾಲೂಕು ಶಿಕ್ಷಕರ ಸಂಘದ ಉಪಾಧ್ಯಕ್ಷೆ ಸೌಭಾಗ್ಯ, ಕ್ಲಸ್ಟರ್ ಅಧಿಕಾರಿ ಪುರುಷೋತ್ತಮ್, ಕಲ್ಲೂರು ಸರಕಾರಿ ಮಾದರಿ ಪ್ರಾಥಮಿಕ ಶಾಲೆಯ ಮುಖ್ಯೋಪಾಧ್ಯಾಯ ಶಶಿಕುಮಾರ್, ಗದ್ದೆಹಳ್ಳ ಶಾಲೆಯ ಮುಖ್ಯ ಶಿಕ್ಷಕಿ ಪುಷ್ಪಾವತಿ, ಸಹಶಿಕ್ಷಕಿ ಹೇಮಕುಮಾರಿ, ಶೈಲಜ ಜಾಯ್, ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷೆ ಬಿಲ್ಕಿಪ್ ಹಾಗೂ ಪೋಷಕರು ಇದ್ದರು. ಮುಖ್ಯ ಶಿಕ್ಷಕಿ ಪುಷ್ಪಾವತಿ ಸ್ವಾಗತಿಸಿ, ಶೈಲಜ ಜಾಯ್ ವಂದಿಸಿದರು.