ಕುಶಾಲನಗರ, ಜು. 27: ಮನೆಯಿಂದ ಕೋವಿಯೊಂದನ್ನು ಕಳವು ಮಾಡಿದ ಪ್ರಕರಣ ಕುಶಾಲನಗರ ಸಮೀಪ ಹೊಸಪಟ್ಟಣ ಗ್ರಾಮದಲ್ಲಿ ನಡೆದಿದೆ. ಹೊಸಪಟ್ಟಣದ ಕಾಫಿ ಬೆಳೆಗಾರ ಹೆಚ್.ಬಿ.ಶಿವಕುಮಾರ್ ಅವರು ಊರಿನಲ್ಲಿ ಇಲ್ಲದ ಸಮಯ ಮನೆಯಲ್ಲಿದ್ದ ಎಸ್‍ಬಿಬಿಎಲ್ ಕೋವಿ (ಸಂಖ್ಯೆ 5325) ಅನ್ನು ಕಳವು ಮಾಡಲಾಗಿದೆ. ಕುಶಾಲನಗರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ. ತಾ. 25 ರಂದು ಮನೆಯ ಮುಂಭಾಗದಲ್ಲಿರುವ ಸ್ನಾನದ ಕೋಣೆಯ ಕಿಟಕಿಗೆ ಹಾಕಿದ್ದ ಕಬ್ಬಿಣದ ಸರಳುಗಳನ್ನು ಮುರಿದು ಕೋಣೆಯ ಒಳಗೆ ನುಗ್ಗಿ ಕೋವಿಯನ್ನು ಕಳವು ಮಾಡಲಾಗಿದೆ. ಮನೆಯ ಹಿಂಬಾಗಿಲಿನ ಬೀಗ ತೆಗೆದು ಕಳ್ಳರು ಪರಾರಿಯಾಗಿರುವದಾಗಿ ದೂರಿನಲ್ಲಿ ತಿಳಿಸಲಾಗಿದೆ. ಪೊಲೀಸ್ ಉಪ ನಿರೀಕ್ಷಕ ನವೀನ್ ಗೌಡ ಮತ್ತು ಸಿಬ್ಬಂದಿಗಳು ಸ್ಥಳಕ್ಕೆ ತೆರಳಿ ಮಹಜರು ನಡೆಸಿ ಮುಂದಿನ ಕ್ರಮಕೈಗೊಂಡಿದ್ದಾರೆ.