ವೀರಾಜಪೇಟೆ, ಜು. 27: ಬಿಟ್ಟಂಗಾಲ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ವಿ. ಬಾಡಗ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಬಿಟ್ಟಂಗಾಲ ಗ್ರಾಮ ಪಂಚಾಯಿತಿ ಸದಸ್ಯ ಕೊಂಗಂಡ ಕಾಶಿ ಕಾವೇರಪ್ಪ ರೂ. 5 ಸಾವಿರ, ಕಂಜಿತಂಡ ಗಿಣಿ ಮೊಣ್ಣಪ್ಪ ರೂ. 5 ಸಾವಿರ, ಮಳವಂಡ ಪೂವಿ ಪೊನ್ನಮ್ಮ ರೂ. 10 ಸಾವಿರಗಳನ್ನು ದೇಣಿಗೆಯಾಗಿ ನೀಡಿದ ಹಣದಲ್ಲಿ ನಲಿ-ಕಲಿ ತರಗತಿಗೆ 5 ಟೇಬಲ್, 15 ಕುರ್ಚಿ, ಮುಖ್ಯೋಪಾಧ್ಯಾಯರ ಕೊಠಡಿಗೆ ಬೇಕಾದ ರ್ಯಾಕ್‍ಗಳು ಖರೀದಿಸಲು ಅನುವು ಮಾಡಿ ಕೊಟ್ಟಿದ್ದಾರೆ. ಅಲ್ಲದೆ ಗ್ರಾಮ ಪಂಚಾಯಿತಿ ವತಿಯಿಂದ ಉಚಿತ ನೋಟ್ ಬುಕ್‍ಗಳನ್ನು ನೀಡಿದ್ದಾರೆ ಎಂದು ಶಾಲಾ ಮುಖ್ಯೋಪಾಧ್ಯಾಯಿನಿ ಕಮಲ ತಿಳಿಸಿದ್ದಾರೆ.