ನಾಪೋಕ್ಲು, ಆ. 30: ಪ್ರಕೃತಿ ವಿಕೋಪದಲ್ಲಿ ನೂಂದವರಿಗೆ ಸಾಮಗ್ರಿಗಳನ್ನು ಹೊತ್ತುತಂದ ಲಾರಿಯೊಂದು ಬೇತು ಗ್ರಾಮದಲ್ಲಿ ಕಾಣಿಸಿಕೊಂಡು ಅನುಮಾನಗಳಿಗೆ ಕಾರಣವಾಯಿತು.

ಗ್ರಾಮದ ಮಕ್ಕಿಶಾಸ್ತಾವು ದೇವಾಲಯದ ಬಳಿ ಸಮುದಾಯ ಭವನದಲ್ಲಿ ಟಿಎನ್ 43 ವೈ0276 ಸಂಖ್ಯೆಯ ಲಾರಿಯೊಂದು ಸಾಮಗ್ರಿ ಇಳಿಸುತ್ತಿರುವ ಬಗ್ಗೆ ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲಿಸಿದಾಗ ಪ್ರಕೃತಿ ವಿಕೋಪದಲ್ಲಿ ನೊಂದ ಜನರಿಗೆ ವಿತರಿಸಲು ಹೈದರಾಬಾದಿನಿಂದ ಸಂಗ್ರಹಿಸಿದ ಪರಿಹಾರ ಸಾಮಗ್ರಿಗಳು ಎಂದು ತಿಳಿದುಬಂದಿದ್ದು, ಸೂಕ್ತ ದಾಖಲೆ ಇಲ್ಲದೆ ತಡೆಹಿಡಿಯಲಾಗಿದೆ. ಜಿಲ್ಲಾಧಿಕಾರಿಗಳ ಆದೇಶದಂತೆ ಮುಂದಿನ ಕ್ರಮ ಕೈಗೊಳ್ಳಲಾಗುವದು ಎಂದು ಕಂದಾಯ ಪರಿವೀಕ್ಷಕ ರಾಮಯ್ಯ ತಿಳಿಸಿದ್ದಾರೆ.