ಮಡಿಕೇರಿ, ಆ. 30: ಮಡಿಕೇರಿ ದಸರಾ ಸಂಬಂಧ ಪ್ರಸಕ್ತ ಸಾಲಿನ ದಶಮಂಟಪ ಸಮಿತಿಯ ಅಧ್ಯಕ್ಷರಾಗಿ ದೇಚೂರು ರಾಮಮಂದಿರದ ರವಿಕುಮಾರ್ ಅವರು ಆಯ್ಕೆಗೊಂಡಿದ್ದಾರೆ. ದಶಮಂಟಪಗಳ ಸಮಿತಿ ಸಭೆಯು ಹಿಂದಿನ ಅಧ್ಯಕ್ಷ ಸತೀಶ್ ಧರ್ಮಪ್ಪ ಅಧ್ಯಕ್ಷತೆಯಲ್ಲಿ ನಡೆಯಿತು. ಅಲ್ಲದೆ ನೂತನ ಅಧ್ಯಕ್ಷರಿಗೆ ಅಧಿಕಾರ ಹಸ್ತಾಂತರಗೊಳಿಸಲಾಯಿತು. ಈ ಬಾರಿ ದಸರಾ ನಾಡ ಹಬ್ಬದೊಂದಿಗೆ ಮಂಟಪೋತ್ಸವಗಳನ್ನು ಪ್ರಾಕೃತಿಕ ವಿಕೋಪದ ಕಾರಣ ಸರಳವಾಗಿ ನಡೆಸುವಂತೆ ಸಭೆಯಲ್ಲಿ ಅಭಿಪ್ರಾಯ ವ್ಯಕ್ತಗೊಂಡಿದ್ದಾಗಿ ಸತೀಶ್ ‘ಶಕ್ತಿ’ಯೊಂದಿಗೆ ತಿಳಿಸಿದರು.