ಮಡಿಕೇರಿ, ಆ. 31: ಪ್ರಕೃತಿ ವಿಕೋಪಕ್ಕೆ ತುತ್ತಾಗಿ ಅದೆಷ್ಟೋ ಮಂದಿ ಸಂತ್ರಸ್ತರಾಗಿದ್ದಾರೆ; ಪರಿಣಾಮ ಕೇಂದ್ರಗಳಲ್ಲಿ ಆಶ್ರಯ ಪಡೆದಿದ್ದಾರೆ. ಇಲ್ಲಿನ ಮಹದೇವಪೇಟೆ ಬಳಿ ಇರುವ ಗೆಜ್ಜೆ ಸಂಕಪ್ಪ ಸೇವಾ ಕೇಂದ್ರದಲ್ಲಿರುವ ಸಂತ್ರಸ್ತರು ತಾವೇ ತಮ್ಮ ಕೈಚಳಕದಿಂದ ಮೂಡಿ ಬಂದ ಕರಕುಶಲ ವಸ್ತುಗಳು, ತಿಂಡಿ ತಿನಿಸುಗಳ ಪ್ರದರ್ಶನ ಹಾಗೂ ಮಾರಾಟ ಏರ್ಪಡಿಸಲಾಗಿದೆ. ತಾ. 1 ರಂದು (ಇಂದು) ಸಂಜೆ 5 ರಿಂದ 8 ಗಂಟೆ ಹಾಗೂ ತಾ. 2 ರಂದು ಬೆಳಿಗ್ಗೆ 10 ರಿಂದ ಮಧ್ಯಾಹ್ನ 1 ಗಂಟೆವರೆಗೆ ಕಾರ್ಯಕ್ರಮವಿದ್ದು, ಸಹೃದಯರು ಸಂತ್ರಸ್ತರಿಗೆ ನೆರವಾಗುವಂತೆ ಸೇವಾ ಕೇಂದ್ರದ ಪ್ರಮುಖರು ಮನವಿ ಮಾಡಿದ್ದಾರೆ.