ಮಡಿಕೇರಿ, ಸೆ. 4: ಕೊಡಗಿನ ಗೌರಮ್ಮ ದತ್ತಿನಿಧಿ ಹಾಗೂ ಹವ್ಯಕ ಮಹಾಮಂಡಲ ಮಾತೃವಿಭಾಗದ ಸಹಯೋಗದಲ್ಲಿ ನಡೆದು ಬರುವ 2018ನೇ ಸಾಲಿನ 23ನೇ ವರ್ಷದ ಕೊಡಗಿನ ಗೌರಮ್ಮ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ತಾ. 27 ರಂದು ಬೆಂಗಳೂರಿನ ಗಿರಿನಗರದ ಶ್ರೀಮಠದಲ್ಲಿ ನೆರವೇರಿತು.

ಕೊಡಗಿನ ಗೌರಮ್ಮ ಪ್ರಶಸ್ತಿಯನ್ನು ಅಕ್ಷತಾರಾಜ್ ಪೆರ್ಲ ಶ್ರೀ ರಾಘವೇಶ್ವರ ಭಾರತೀ ಮಹಾಸ್ವಾಮಿಗಳವರಿಂದ ಸ್ವೀಕರಿಸಿದರು. ದ್ವಿತೀಯ ಬಹುಮಾನವನ್ನು ಅನ್ನಪೂರ್ಣ ಬೆಜಪ್ಪೆ ಕುಂಬಳೆ ಪಡೆದರು.

ಕಾಸರಗೋಡು ಗಡಿನಾಡು ಘಟಕದ ಅಧ್ಯಕ್ಷ ಎಸ್.ವಿ. ಭಟ್ ಹಾಜರಿದ್ದರು. ಕಥಾ ಸ್ಪರ್ಧಾ ಸಂಚಾಲಕಿ ವಿಜಯಾ ಸುಬ್ರಮಣ್ಯ ಕುಂಬಳೆ ಕಾರ್ಯಕ್ರಮ ನಿರೂಪಿಸಿ, ಸ್ವಾಗತಿಸಿದರು.