ಸೋಮವಾರಪೇಟೆ, ಸೆ. 4: ಬಿಎಸ್‍ಎಸ್ ಮೈಕ್ರೋ ಫೈನಾನ್ಸ್ ಸಂಸ್ಥೆಯ ವತಿಯಿಂದ ತಾಲೂಕಿನ ವಿವಿಧ ಭಾಗಗಳ ಸುಮಾರು 155 ಮಂದಿ ಸಂತ್ರಸ್ತರಿಗೆ ಅಗತ್ಯ ನೆರವು ಒದಗಿಸಲಾಯಿತು. ಮಾದಾಪುರ, ಶಾಂತಳ್ಳಿ, ಕಿರಗಂದೂರು, ತಾಕೇರಿ, ಬಸವನಕಟ್ಟೆ ವ್ಯಾಪ್ತಿಯಲ್ಲಿ ಮಳೆಯಿಂದ ಕೂಲಿ ಕೆಲಸವೂ ಇಲ್ಲದೇ ಸಂಕಷ್ಟದಲ್ಲಿದ್ದ 155 ಕುಟುಂಬಗಳಿಗೆ ಇಲ್ಲಿನ ಮಹದೇಶ್ವರ ಬಡಾವಣೆಯಲ್ಲಿರುವ ಸಂಸ್ಥೆಯ ಕಚೇರಿಯಲ್ಲಿ ತಲಾ 25 ಕೆ.ಜಿ. ಅಕ್ಕಿ, ಒಂದು ಲೀಟರ್ ಎಣ್ಣೆ ಸೇರಿದಂತೆ ದಿನಬಳಕೆ ಮತ್ತು ಊಟೋಪಚಾರಕ್ಕೆ ಬೇಕಾದ ಅಗತ್ಯ ವಸ್ತುಗಳನ್ನು ವಿತರಿಸಲಾಯಿತು. ಈ ಸಂದರ್ಭ ಸಂಸ್ಥೆಯ ಸಿಓಓ ಪಂಚಾಕ್ಷರಿ, ಎಎಂಓ ಪುರುಷೋತ್ತಮ್, ಎಎಂಓ ಚೋಕಿರ ಕುಶಾಲಪ್ಪ, ಕೆ. ಸಿದ್ದಪ್ಪ, ವ್ಯವಸ್ಥಾಪಕ ಹರೀಶ್, ಎಸ್.ಪಿ. ಪ್ರೇಮ ಇತರರು ಉಪಸ್ಥಿತರಿದ್ದರು.