ಶನಿವಾರಸಂತೆ, ಸೆ. 5: ಆಲೂರು ಸಿದ್ದಾಪುರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮಾಲಂಬಿ ಗ್ರಾಮದ ವಿವಾಹಿತ ಯುವತಿಯೊಬ್ಬಳು ತಾ. 3.5.2016ರಂದು ಕಾಣೆಯಾಗಿದ್ದು, ಪ್ರಕರಣ ದಾಖಲಾಗಿತ್ತು. ಇದೀಗ ಸೋಮವಾರಪೇಟೆ ವೃತ್ತ ನಿರೀಕ್ಷಕ ನಂಜುಂಡೇಗೌಡ ಅವರ ಮಾರ್ಗದರ್ಶನದಲ್ಲಿ 2 ವರ್ಷ 4 ತಿಂಗಳ ನಂತರ ಶನಿವಾರಸಂತೆ ಪೊಲೀಸ್ ಠಾಣೆಯ ಠಾಣಾಧಿಕಾರಿ ಹೆಚ್.ಎಂ. ಮರಿಸ್ವಾಮಿ ನೇತೃತ್ವದಲ್ಲಿ ಪೊಲೀಸರು ತಾ.4 ರಂದು ಈಕೆಯನ್ನು ಪತ್ತೆ ಹಚ್ಚಿದ್ದಾರೆ.

ಮಾಲಂಬಿ ಗ್ರಾಮದ ಮಾಧವನ್ ಅವರ ಮಗಳು ಎಂ.ವಿ. ಆಶಾ ... ವೆಂಕಟೇಶ್ ಎಂಬಾತನನ್ನು ರಿಜಿಸ್ಟರ್ಡ್ ಮದುವೆಯಾಗಿ ಇದೀಗ ಈರ್ವರು ಮಕ್ಕಳಿದ್ದಾರೆ. ಪೊಲೀಸರು ಮಂಡ್ಯ ಜಿಲ್ಲೆಯ ನಾಗಮಂಗಲ ತಾಲೂಕಿನ ಬೇಳೂರು ಕ್ರಾಸ್‍ನ ಬಿ.ಜಿ.ಎಸ್. ನಗರದಲ್ಲಿ ಫೇಸ್‍ಬುಕ್, ಗೂಗಲ್, ಸಹಾಯದಿಂದ ತಾ. 4ರಂದು ಪತ್ತೆ ಹಚ್ಚಿ ಶನಿವಾರಸಂತೆಗೆ ಕರೆ ತಂದು ವಾರಿಸುದಾರರಿಗೆ ಒಪ್ಪಿಸಿದ್ದಾರೆ.

ಕಾರ್ಯಾಚರಣೆಯಲ್ಲಿ ಠಾಣಾಧಿಕಾರಿ ಮರಿಸ್ವಾಮಿ, ಸಿಬ್ಬಂದಿಗಳಾದ ಜಯಕುಮಾರ್, ವಿಶ್ವನಾಥ್, ರಾಧ, ಸವಿತಾ, ಶಶಿ ಪಾಲ್ಗೊಂಡಿದ್ದರು.