ಗೋಣಿಕೊಪ್ಪಲು, ಸೆ. 5: ಪೊನ್ನಂಪೇಟೆ, ಬೇಗೂರು ಸಮೀಪದ ಕಲ್ಲುಕೊರೆಯಲ್ಲಿ ಆಟೋರಿಕ್ಷಾ ಹಾಗೂ ಪಿಕ್ ಅಪ್ ಜೀಪಿನ ನಡುವೆ ಡಿಕ್ಕಿ ಯಾಗಿದ್ದು ಆಟೋ ಚಾಲಕನಿಗೆ ಗಂಭೀರ ಸ್ವರೂಪದ ಗಾಯವಾಗಿ ಮೈಸೂರಿನ ಆಸ್ಪತ್ರೆಗೆ ಸೇರಿಸಲಾಗಿದೆ.

ಸಂಜೆ 5 ಗಂಟೆಯ ಸಮಯದಲ್ಲಿ ಈ ಅಪಘಾತ ಸಂಭವಿಸಿದ್ದು ಆಟೋಚಾಲಕ ಗೋಣಿಕೊಪ್ಪಲುವಿನ ಕೈಕೇರಿ ನಿವಾಸಿ ಬಾಲ ಎಂದು ತಿಳಿದು ಬಂದಿದೆ. ಖಾಸಗಿ ಶಾಲೆಯ ಚಾಲಕನಾಗಿರುವ ಬಾಲ ಬಿಡುವಿನ ಸಮಯದಲ್ಲಿ ಆಟೋರಿಕ್ಷಾ ಓಡಿಸುತ್ತಿದ್ದ ಎನ್ನಲಾಗಿದೆ.

ಅಪಘಾತದಿಂದ ಕೆಲವು ಗಂಟೆಯ ಸಮಯ ವಾಹನಗಳ ಸಂಚಾರಕ್ಕೆ ತೊಡಕುಂಟಾಗಿತ್ತು. ಪೊನ್ನಂಪೇಟೆ ಪೊಲೀಸರು ಘಟನಾ ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದರು.