ಅಥ್ಲೆಟಿಕ್ ರಾಜ್ಯ ತಂಡಕ್ಕೆ ಸಿ.ಎಂ. ರಾಶಿ ಆಯ್ಕೆ

ಕೂಡಿಗೆ, ಸೆ. 12: ದಕ್ಷಿಣ ಕನ್ನಡ ಜಿಲ್ಲೆಯ ಮೂಡಬಿದ್ರೆ ಆಳ್ವಾಸ್‍ನಲ್ಲಿ ತಾ.2 ರಂದು ನಡೆದ ಕರ್ನಾಟಕ ರಾಜ್ಯ ಕಿರಿಯರ ಮತ್ತು ಹಿರಿಯರ ಅಥ್ಲೆಟಿಕ್ಸ್ ಚಾಂಪಿಯನ್ ಶಿಪ್‍ನಲ್ಲಿ ಕೂಡಿಗೆಯ ಕ್ರೀಡಾಪ್ರೌಢಶಾಲೆಯ ಕ್ರೀಡಾಪಟು ದಿಕ್ಷೀತ್.ಎಲ್. ಮಿಡ್ಲೇ ರೀಲೆಯಲ್ಲಿ ಪ್ರಥಮ ಸ್ಥಾನ ಪಡೆದು ಚಿನ್ನದ ಪದಕ ಪಡೆದಿದ್ದಾನೆÉ. ಆಶೀಷ್ 5000 ಮೀಟರ್ ವೇಗದ ನಡಿಗೆಯಲ್ಲಿ ತೃತೀಯ ಸ್ಥಾನ, ಬಾಲಕರ ಮೀಡ್ಲೆ ರೀಲೆಯಲ್ಲಿ ಶಿವಕುಮಾರ್ ತೃತೀಯ ಸ್ಥಾನ ಗಳಿಸಿದ್ದಾರೆ. ಕ್ರೀಡಾಶಾಲಾ ನಿಲಯದ ವಿದ್ಯಾರ್ಥಿನಿ ಸಿ.ಎಂ. ರಾಶಿ 1500 ಮೀಟರ್ ಓಟದಲ್ಲಿ ಪ್ರಥಮ ಸ್ಥಾನ ಪಡೆದು ಚಿನ್ನದ ಪದಕ ಗಳಿಸಿದ್ದಾಳೆ. ಶೈಲಾ ಸಿ.ಎಂ. 800 ಮೀ ಓಟದಲ್ಲಿ ದ್ವಿತೀಯ ಸ್ಥಾನ ಗಳಿಸಿದ್ದಾಳೆ.

ತಾ. 14 ರಿಂದ ತಾ. 16 ರವರೆಗೆ ಆಂಧ್ರಪ್ರದೇಶದ ಗುಂಟೂರಿನಲ್ಲಿ ನಡೆಯಲಿರುವ ದಕ್ಷಿಣ ವಲಯ ಅಥ್ಲೆಟಿಕ್ಸ್ ಕ್ರೀಡಾಕೂಟಕ್ಕೆ ಕರ್ನಾಟಕ ರಾಜ್ಯ ತಂಡಕ್ಕೆ ರಾಶಿ ಆಯ್ಕೆಗೊಂಡಿದ್ದಾಳೆ. ಈ ಕ್ರೀಡಾಪಟುಗಳಿಗೆ ಅಥ್ಲೆಟಿಕ್ ತರಬೇತುದಾರರಾದ ಅಂತೋಣಿ ಡಿಸೋಜ ಅವರು ತರಬೇತಿ ನೀಡಿದ್ದಾರೆ.