ಮಡಿಕೇರಿ, ಸೆ. 12: ಇತ್ತೀಚೆಗೆ ಸಂಭವಿಸಿದ ಪ್ರಾಕೃತಿಕ ವಿಕೋಪದ ಸಂದರ್ಭ ಶಿರಂಗಳ್ಳಿ ಗ್ರಾಮದಲ್ಲಿ ಭಾರೀ ಭೂಕುಸಿತ ಸಂಭವಿಸಿದೆ. ಈ ಸಂದರ್ಭ ಅಲ್ಲಿನ ಮೇದುರ ಪಿ. ಮಾದಪ್ಪ (ದೊರೆ) ಎಂಬವರ ಉತ್ತಮ ಸ್ಥಿತಿಯಲ್ಲಿದ್ದ ಕಾಫಿ ತೋಟ ಮಣ್ಣಿನಡಿ ಸಿಲುಕಿದೆ. ಭೂಕುಸಿತ ಹಾಗೂ ಇದರೊಂದಿಗೆ ರಭಸದಿಂದ ನೀರು ಹರಿದು ಹೋದ ಸಂದರ್ಭ ತೋಟ ಈ ರೀತಿಯಾಗಿದ್ದು, ಇದನ್ನೇ ಅವಲಂಬಿಸಿದ್ದ ಕುಟುಂಬ ಇದೀಗ ಅತಂತ್ರವಾಗಿದೆ. ಸೂಕ್ತ ಪರಿಹಾರಕ್ಕಾಗಿ ಮಾದಪ್ಪ ಅವರು ಸಂಬಂಧಿಸಿದ ಅಧಿಕಾರಿಗಳ ಸೂಚನೆಯಂತೆ ಮನವಿ ಸಲ್ಲಿಸಿದ್ದಾರೆ.