ಶನಿವಾರಸಂತೆ, ಸೆ. 15: ದುಂಡಳ್ಳಿ ಪಂಚಾಯಿತಿ ವ್ಯಾಪ್ತಿಯ ಚಿಕ್ಕಕೊಳತ್ತೂರು ಗ್ರಾಮದ ನಿವಾಸಿಯೊಬ್ಬರಿಗೆ ಸಂಬಂಧಿಗಳಾದ ನಾಲ್ವರು ಆಸ್ತಿ ವಿಚಾರದಲ್ಲಿ ಜಗಳ ತೆಗೆದು ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಹಲ್ಲೆ ನಡೆಸಿ, ಕೊಲೆ ಬೆದರಿಕೆ ಹಾಕಿದ ಪ್ರಕರಣ ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.

ಚಿಕ್ಕಕೊಳತ್ತೂರು ಗ್ರಾಮದ ಫ್ರಾನ್ಸಿಸ್ ಡಾಯಸ್ ಎಂಬವರಿಗೆ ಸಂಬಂಧಿಗಳಾದ ಲಾರೆನ್ಸ್ ಲೋಬೋ, ನಿತಿನ್ ಲೋಬೋ, ನಿತ್ಯಾ ಲೋಬೋ ಹಾಗೂ ಡೋರಾ ಲೋಬೋ ಈ ನಾಲ್ವರು ಮನೆಯ ಆಸ್ತಿಯ ವಿಚಾರದಲ್ಲಿ ಗೋಪಾಲಪುರ ಗ್ರಾಮದ ಚರ್ಚ್ ಮುಂಭಾಗ ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಹಲ್ಲೆ ನಡೆಸಿ ಕೊಲೆ ಬೆದರಿಕೆ ಹಾಕಿರುವದಾಗಿ ಫ್ರಾನ್ಸಿಸ್ ಡಾಯಸ್ ಪೊಲೀಸ್ ಠಾಣೆಗೆ ನೀಡಿದ ದೂರಿನ ಅನ್ವಯ ಹೆಡ್‍ಕಾನ್ಸ್‍ಟೇಬಲ್ ಸಿದ್ದಯ್ಯ ಪ್ರಕರಣ ದಾಖಲಿಸಿದ್ದಾರೆ.