ಕುಶಾಲನಗರ, ಅ. 23: ಕುಶಾಲನಗರದ ಐತಿಹಾಸಿಕ ಗಣಪತಿ ದೇವಾಲಯದ ಆಡಳಿತ ಸಮಿತಿಯ ವಾರ್ಷಿಕ ಮಹಾಸಭೆ ವಾಸವಿ ಕಲ್ಯಾಣ ಮಂಟಪದಲ್ಲಿ ಆಡಳಿತ ಮಂಡಳಿ ಅಧ್ಯಕ್ಷ ವಿ.ಎನ್. ವಸಂತಕುಮಾರ್ ಅಧ್ಯಕ್ಷತೆಯಲ್ಲಿ ನಡೆಯಿತು.

ಪ್ರತಿ ವರ್ಷದಂತೆ ಈ ವರ್ಷವೂ ಗಣಪತಿ ದೇವರ ರಥೋತ್ಸವವನ್ನು ಶ್ರದ್ಧಾಭಕ್ತಿಯಿಂದ ಆಚರಿಸುವಂತೆ ಸಾರ್ವಜನಿಕರಲ್ಲಿ ಸಹಕಾರ ಕೋರಿದ ಸಮಿತಿ ಅಧ್ಯಕ್ಷ ವಿ.ಎನ್. ವಸಂತಕುಮಾರ್, ಈ ವರ್ಷದಿಂದ ಜಾತ್ರಾ ಮೈದಾನದಲ್ಲಿ ವಿಶೇಷವಾಗಿ ಮೂರು ದಿನಗಳ ಕಾಲ ರೈತರಿಗಾಗಿ ಜಾನುವಾರು ಪ್ರದರ್ಶನ ಮತ್ತು ಮಾರಾಟ, ಜಾತ್ರೆ ಮೈದಾನದಲ್ಲಿ ಮೂಲಭೂತ ವ್ಯವಸ್ಥೆಯನ್ನು ಹಮ್ಮಿಕೊಳ್ಳಲು ತೀರ್ಮಾನಿಸಲಾಯಿತು.

ರೈತರಿಗೆ ತಂಗಲು ಬೇಕಾದ ವ್ಯವಸ್ಥೆಗಳನ್ನು ದೇವಾಲಯ ಸಮಿತಿ ವತಿಯಿಂದ ಏರ್ಪಡಿಸುವಂತೆ ತೀರ್ಮಾನಿಸಲಾಯಿತು. ಹದಿನೈದು ದಿನಗಳ ಕಾಲ ಜರುಗುವ ಉತ್ಸವವನ್ನು ಹಿಂದಿನ ರೀತಿ ಮುಂದುವರಿಸುವಂತೆ ಮತ್ತು ಒಂದು ದಿನದ ಆಟ ಓಟದ ಸ್ಪರ್ಧೆ ಹಾಗೂ ಸಾಂಸ್ಕøತಿಕ ಕಾರ್ಯಕ್ರಮಗಳನ್ನು ನಡೆಸಲು ತೀರ್ಮಾನಿಸಲಾಯಿತು.

ಮೂರು ದಿನಗಳ ಕಾಲ ಹಮ್ಮಿಕೊಳ್ಳುವ ದನಗಳ ಜಾತ್ರೆ ಉತ್ಸವಕ್ಕೆ ಕುಶಾಲನಗರ ಹೋಬಳಿ ಮತ್ತು ಹಾರನಹಳ್ಳಿ ಹೋಬಳಿ ರೈತರ ಮನವೊಲಿಸಿ ಹೆಚ್ಚಿನ ಸಂಖ್ಯೆಯಲ್ಲಿ ಗೋವುಗಳನ್ನು ತಂದು ಪ್ರದರ್ಶನ ಮಾಡುವಂತೆ ನಿರ್ಧರಿಸಲಾಯಿತು. ಸಭೆಯಲ್ಲಿ ಆಡಳಿತ ಮಂಡಳಿಯ ಪ್ರಮುಖರಾದ ಎಂ.ಕೆ. ದಿನೇಶ್, ಆರ್ ಬಾಬು, ಶ್ರೀನಿವಾಸ ರಾವ್, ಎಸ್.ಎನ್. ನರಸಿಂಹಮೂರ್ತಿ ಜಿ.ಎಲ್. ನಾಗರಾಜು, ಎಂ.ವಿ. ನಾರಾಯಣ, ಬಿ.ಕೆ. ಮುತ್ತಣ್ಣ ಇದ್ದರು.