ಸೋಮವಾರಪೇಟೆ, ಅ. 31: ಸೋಮವಾರಪೇಟೆ ಪಟ್ಟಣ ಪಂಚಾಯಿತಿಗೆ ನಡೆದ ಚುನಾವಣೆಯಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷವು ತನ್ನ ‘ಕೈ’ ಬಲಪಡಿಸಿಕೊಂಡಿದ್ದು, ಜಾತ್ಯತೀತ ಜನತಾದಳದ ‘ತೆನೆ’ ಗಟ್ಟಿಯಾಗಿದ್ದರೆ, ಭಾರತೀಯ ಜನತಾ ಪಕ್ಷದ ‘ಕಮಲ’ ಅಲುಗಿದೆ.ಚುನಾವಣೆಯಲ್ಲಿ ಕಾಂಗ್ರೆಸ್-ಜೆಡಿಎಸ್ ಮೈತ್ರಿಕೂಟಕ್ಕೆ ಬಹುಮತ ಲಭಿಸಿದ್ದು, 11 ಸ್ಥಾನಗಳ ಪೈಕಿ 7ರಲ್ಲಿ ಅಭ್ಯರ್ಥಿಗಳು ಗೆಲವು ಸಾಧಿಸಿದ್ದಾರೆ. ಬಿಜೆಪಿ 3 ವಾರ್ಡ್ಗಳಲ್ಲಿ ಮಾತ್ರ ಜಯಗಳಿಸಲು ಸಾಧ್ಯವಾಗಿದ್ದು, ಉಳಿದಂತೆ ಒಂದು ವಾರ್ಡ್ನಲ್ಲಿ ಪಕ್ಷೇತರ ಅಭ್ಯರ್ಥಿ ಗೆಲವಿನ ನಗೆ ಬೀರಿದ್ದಾರೆ.1ನೇ ವಾರ್ಡ್-(ಬಸವೇಶ್ವರ ಬ್ಲಾಕ್) ಬಿಜೆಪಿಯ ಕೆ.ಜಿ. ಸುರೇಶ್ (169) ಸೋಲನುಭವಿಸಿದ್ದು, ಕಾಂಗ್ರೆಸ್ನ ಉದಯಶಂಕರ್ (188) ಗೆಲವು ಸಾಧಿಸಿದ್ದಾರೆ. ಈ ವಾರ್ಡ್ನಲ್ಲಿ 3 ನೋಟಾ ಮತಗಳು ಚಲಾವಣೆಯಾಗಿವೆ. 2ನೇ ವಾರ್ಡ್- (ಪವರ್ಹೌಸ್ ರಸ್ತೆ) ಬಿಜೆಪಿಯ ಪಿ.ಕೆ. ಚಂದ್ರು (125) ಅವರು ಕಾಂಗ್ರೆಸ್ನ ಮಂಜುನಾಥ್ (59) ವಿರುದ್ಧ ಜಯಗಳಿಸಿದ್ದಾರೆ. ಪಕ್ಷೇತರರಾಗಿ ಸ್ಪರ್ಧೆಯಲ್ಲಿದ್ದ ರಘುನಾಥ್ 15 ಮತ ಪಡೆದಿದ್ದು, ನೋಟಾಕ್ಕೆ 4 ಮತ ಚಲಾವಣೆಯಾಗಿದೆ.3ನೇ ವಾರ್ಡ್-(ವೆಂಕಟೇಶ್ವರ ಬ್ಲಾಕ್) ಬಿಜೆಪಿಯ ನಳಿನಿ ಗಣೇಶ್ (219) ಅವರು ಜೆಡಿಎಸ್ನ ಕೆ.ಎಂ. ಪುಷ್ಪ (148) ವಿರುದ್ಧ ಭರ್ಜರಿ ಜಯ ಗಳಿಸಿದ್ದು, (ಮೊದಲ ಪುಟದಿಂದ) ಪಕ್ಷೇತರ ಅಭ್ಯರ್ಥಿ ನೀಲಾವತಿ 30 ಮತಗಳನ್ನು ಪಡೆಯಲಷ್ಟೇ ಸಾಧ್ಯವಾಗಿದೆ. ಇಲ್ಲಿ 1 ಮತ ನೋಟಾಕ್ಕೆ ಚಲಾವಣೆಯಾಗಿದೆ. 4ನೇ ವಾರ್ಡ್-(ರೇಂಜರ್ ಬ್ಲಾಕ್ 1ನೇ ಹಂತ) ಬಿಜೆಪಿಯ ಎನ್.ಎಸ್. ಮೂರ್ತಿ(156) ವಿರುದ್ಧ ಕಾಂಗ್ರೆಸ್ನ ಸಂಜೀವ (195) ಜಯ ಗಳಿಸಿದ್ದು, 3 ಮತಗಳು ನೋಟಾಕ್ಕೆ ಬಿದ್ದಿವೆ. 5ನೇ ವಾರ್ಡ್- (ತ್ಯಾಗರಾಜ ರಸ್ತೆ) ಬಿಜೆಪಿಯ ಬಿ.ಎಂ. ಸುರೇಶ್ (161) ಸೋಲನುಭವಿಸಿದ್ದು, ಕಾಂಗ್ರೆಸ್ನ ಬಿ.ಸಿ. ವೆಂಕಟೇಶ್ (204) ಗೆಲವಿನ ನಗೆ ಬೀರಿದ್ದಾರೆ. 4 ಮತಗಳು ನೋಟಾಕ್ಕೆ ಲಭಿಸಿದೆ.
6ನೇ ವಾರ್ಡ್-(ವಿಶ್ವೇಶ್ವರಯ್ಯ ಬ್ಲಾಕ್) ಬಿಜೆಪಿಯಿಂದ ಸ್ಪರ್ಧಿಸಿದ್ದ ಪ.ಪಂ. ಮಾಜೀ ಅಧ್ಯಕ್ಷೆ ವಿಜಯಲಕ್ಷ್ಮೀ ಸುರೇಶ್ (151) ಅವರಿಗೆ ಕಾಂಗ್ರೆಸ್ನ ಶೀಲಾ ಡಿಸೋಜ (218) ಅವರು ಸೋಲುಣಿಸಿದ್ದಾರೆ. ಈ ವಾರ್ಡ್ನಲ್ಲಿ 1 ಮತ ನೋಟಾ ಪಾಲಾಗಿದೆ. 7ನೇ ವಾರ್ಡ್(ರೇಂಜರ್ ಬ್ಲಾಕ್) ಬಿಜೆಪಿಯ ದಾಕ್ಷಾಯಿಣಿ (148) ಅವರು ಜೆಡಿಎಸ್ನ ಯುವ ಅಭ್ಯರ್ಥಿ ಜೀವನ್ (206) ವಿರುದ್ಧ ಸೋಲು ಕಂಡಿದ್ದು, 2 ಮತಗಳು ನೋಟಾಕ್ಕೆ ಚಲಾವಣೆಯಾಗಿದೆ.
8ನೇ ವಾರ್ಡ್-(ಜನತಾ ಕಾಲೋನಿ) ಬಿಜೆಪಿಯ ಪ್ರಮೋದ್ (141) ಅವರು ಬಿಜೆಪಿಗೆ ಬಂಡಾಯ ವಾಗಿ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಶುಭಕರ್ (201) ವಿರುದ್ಧ ಸೋಲನುಭವಿಸಿದ್ದು, ಜೆಡಿಎಸ್ ಅಭ್ಯರ್ಥಿ ವೆಂಕಟೇಶ್ 36 ಮತ ಗಳಿಸಿದ್ದಾರೆ. ಈ ವಾರ್ಡ್ನಲ್ಲಿ 3 ಮತ ನೋಟಾಕ್ಕೆ ಸಂದಾಯವಾಗಿದೆ. 9ನೇ ವಾರ್ಡ್-(ಸಿದ್ದಲಿಂಗೇಶ್ವರ ಬ್ಲಾಕ್) ಬಿಜೆಪಿಯ ಅನಿತಾ ಮಂಜುನಾಥ್ (150) ಅವರು ಜೆಡಿಎಸ್ನ ನಾಗರತ್ನ (163) ಅವರ ವಿರುದ್ಧ ಸೋಲು ಕಂಡಿದ್ದು, 2 ಮತ ನೋಟಾ ಪಾಲಾಗಿದೆ.
10ನೇ ವಾರ್ಡ್-(ಮಹದೇಶ್ವರ ಬ್ಲಾಕ್) ಬಿಜೆಪಿಯ ದಿವ್ಯಾ ಮೋಹನ್ (248) ಅವರು ಜೆಡಿಎಸ್ನ ಜಯಂತಿ ಶಿವಕುಮಾರ್ (288) ವಿರುದ್ಧ ಪರಾಭವಗೊಂಡಿದ್ದು, ಬಿಜೆಪಿ ಟಿಕೇಟ್ ಲಭಿಸದೇ ಪಕ್ಷೇತರ ಅಭ್ಯರ್ಥಿಯಾಗಿದ್ದ ಗೀತಾ ಹರೀಶ್ 125 ಮತ ಗಳಿಸಿದ್ದಾರೆ. 11ನೇ ವಾರ್ಡ್-(ಸಿ.ಕೆ. ಸುಬ್ಬಯ್ಯ ಬ್ಲಾಕ್) ಬಿಜೆಪಿಯ ಬಿ.ಆರ್. ಮಹೇಶ್ (211) ಅವರು ಕಾಂಗ್ರೆಸ್ನ ಹಿರಿಯ ಸದಸ್ಯ ಕೆ.ಎ. ಆದಂ (165) ಅವರ ವಿರುದ್ಧ ಗೆಲವಿನ ನಗೆ ಬೀರಿದ್ದಾರೆ. ಈ ವಾರ್ಡ್ನಲ್ಲಿ 1 ಮತ ನೋಟಾಕ್ಕೆ ಬಿದ್ದಿದೆ.
ಸ್ಪರ್ಧೆಯಲ್ಲಿದ್ದ ಪಂಚಾಯಿತಿ
- ವಿಜಯ್