ನಾಪೆÇೀಕ್ಲು, ನ. 26: ಇಗ್ಗುತ್ತಪ್ಪ ದೇವಡ ಪುತ್ತರಿ ನಮ್ಮೆ, ಪೆÇಯ್ಲೇ.., ಪೆÇಯ್ಲೇ.., ಮಕ್ಕಿ ದೇವಡ ಕೋಲ್ ಕಳಿಂಜ ಪೆÇಯ್ಲೇ.., ಪೆÇಯ್ಲೇ.., ಬಿದ್ದಾಟಂಡ ವಾಡೆಲ್ ಕೋಲ್ ಕಳಿಂಜ ಪೆÇಯ್ಲೇ ಪೆÇಯ್ಲೇ.., ಈ ರೀತಿಯ ಹರ್ಷೋದ್ಗಾರ ಕೊಡಗಿನ ಬಹುತೇಕ ಎಲ್ಲ ಮಂದ್‍ಗಳಲ್ಲಿ ಹುತ್ತರಿ ಹಬ್ಬ ಕಳೆದ ಮೂರು ನಾಲ್ಕು ದಿನಗಳವರೆಗೆ ಕೋಲಾಟಗಾರರಿಂದ ಕೇಳಿಬರುವ ಸಂಪ್ರದಾಯದ ನುಡಿ.ಇಗ್ಗುತ್ತಪ್ಪ ದೇವರ ಹೆಸರಿನೊಂದಿಗೆ ಆ ಗ್ರಾಮದ ದೇವರನ್ನು ಸ್ತುತಿಸುವದು ಎಲ್ಲಾ ಗ್ರಾಮಗಳಲ್ಲೂ ನಡೆದುಕೊಂಡು ಬಂದಿರುವ ಪದ್ಧತಿ.

ಇದೇ ರೀತಿ ನಾಪೆÇೀಕ್ಲು ಸಮೀಪದ ಬಿದ್ದಾಟಂಡ ವಾಡೆಯ ನೂರಂಬಡ ನಾಡ್ ಮಂದ್‍ನಲ್ಲಿ ಸಂಭ್ರಮದ ಹುತ್ತರಿ ಹಬ್ಬದ ಕೋಲಾಟ ನಡೆಯಿತು. ಕೊಡಗಿನ ಸಾಂಪ್ರದಾಯಿಕ ಹುತ್ತರಿ ಕೋಲಾಟಗಳಲ್ಲಿ ಒಂದಾದ ಮಕ್ಕಿ ಶಾಸ್ತಾವು ನಾಡ್ ಮಂದ್ ಕೋಲು ಬಿದ್ದಾಟಂಡ ವಾಡೆಯಲ್ಲಿ ನೂರಂಬಡ ನಾಡಿನ ತಕ್ಕ ಮುಖ್ಯಸ್ಥರು ಹಾಗೂ ಊರಿನವರು ಅಧಿಕ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವದರೊಂದಿಗೆ ನೆರವೇರಿತು. ನಾಪೆÇೀಕ್ಲು ನಾಡಿಗೆ ಸಂಬಂಧಿಸಿದ ಬೇತು, ಕೊಳಕೇರಿ ಹಾಗೂ ನಾಪೆÇೀಕ್ಲು ಗ್ರಾಮಗಳ ತಕ್ಕ ಮುಖ್ಯಸ್ಥರು ಒಟ್ಟಾಗಿ ಸೇರಿ ಕೋಲಾಟ ಸಂಭ್ರಮದಲ್ಲಿ ಪಾಲ್ಗೊಂಡರು. ಶ್ರೀ ಮಹಾದೇವರ ದೇವಸ್ಥಾನ ಮತ್ತು ಶ್ರೀ ಮಹಾಗುರು ಪೆÇನ್ನಪ್ಪ ಕೈಮಡ ಸಮೀಪವೇ ಮಂದ್ ಇರುವದು ಹೆಚ್ಚಿನ ಪ್ರಾಮುಖ್ಯತೆಗೆ ಕಾರಣವಾಗಿದೆ.

ಹಿಮ್ಮೇಳದ ವಾದ್ಯಕ್ಕೆ ತಕ್ಕಂತೆ ಮಂದ್‍ನ ಮಧ್ಯಭಾಗದಲ್ಲಿರುವ ಬೃಹತ್ ಮರದ ಸುತ್ತ ನಿರ್ಮಿಸಿದ ಕಟ್ಟೆಯ ಸುತ್ತಲೂ ನರ್ತಿಸುತ್ತಾ ಪೆÇಯ್ಲೇ ಪೆÇಯ್ಲೇ ಎಂಬ ಹರ್ಷೋದ್ಗಾರಗಳೊಂದಿಗೆ ಹುತ್ತರಿ ಕೋಲಾಟದಲ್ಲಿ ಭಾಗವಹಿಸಿದ್ದರು. ಇದಕ್ಕೂ ಮುನ್ನ ಬೇತು ಗ್ರಾಮದ ಪ್ರಸಿದ್ದ ಮಕ್ಕಿ ಶಾಸ್ತಾವು ದೇವಾಲಯದಿಂದ ಕೊಂಡೀರ ಕುಟುಂಬದ ಮುಖ್ಯಸ್ಥರು ದೇವರ ಕೋಲು, ಜರಿ ವಸ್ತ್ರ ಹಾಗೂ ಬೆಳ್ಳಿಯ ಕಡತಲೆ (ಖಡ್ಗ) ಸಾಂಪ್ರದಾಯಿಕ ಕಾಪಳ ಕಳಿ, ಕೊಂಬು ಕೊಟ್ಟು ವಾಲಗ, ದುಡಿಕೊಟ್ಟ್ ಪಾಟ್‍ನೊಂದಿಗೆ ಬೆಳಿಗ್ಗೆ ಹೊರಡುವದರ ಮೂಲಕ ಹುತ್ತರಿ ಕೋಲಾಟಕ್ಕೆ ಚಾಲನೆ ನೀಡಲಾಯಿತು.

ಮಧ್ಯಾಹ್ನ ಕುರುಂಬರಾಟ್ ಎಂಬ ತಾಣದಿಂದ ಬೇತು ಗ್ರಾಮದ ಗ್ರಾಮಸ್ಥರು ಮೆರವಣಿಗೆಯಲ್ಲಿ ಬರುತ್ತಿದ್ದಂತೆ ಬಿದ್ದಾಟಂಡ ವಾಡೆಯಲ್ಲಿ ಬಿದ್ದಾಟಂಡ ಕುಟುಂಬದ ಹಿರಿಯರು ಗ್ರಾಮಸ್ಥರು ಸಾಂಪ್ರದಾಯಿಕ ಉಡುಪು ಧರಿಸಿ ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸುವದರ ಮೂಲಕ ಬರಮಾಡಿ ಕೊಂಡರು. ನೂರಂಬಡ ನಾಡಿಗೆ ಸಂಬಂಧಿಸಿದಂತೆ ಬೇತು ಗ್ರಾಮದ ಮಕ್ಕಿ ಶಾಸ್ತಾವು ದೇವಾಲಯದಿಂದ ಹುತ್ತರಿ ಹಬ್ಬಕ್ಕೆ ಚಾಲನೆ ನೀಡಿದಂತೆ ಅತ್ತ ಹಳೆ ತಾಲೂಕಿನ ಭಗವತಿ ದೇವಾಲಯ ಹಾಗೂ ಮೂಟೇರಿಯ ಭಗವತಿ ದೇವಾಲಯದಿಂದಲೂ ಸಾಂಪ್ರ ದಾಯಿಕ ಹುತ್ತರಿ ಕೋಲಾಟಕ್ಕೆ ಚಾಲನೆ ನೀಡಲಾಯಿತು.

ಅನಂತರ ನಿಗದಿತ ಗ್ರಾಮಗಳಿಂದ ಸಾಂಪ್ರದಾಯಿಕವಾಗಿ ಬಂದು ಸೇರಿದ ಪುರುಷರು ಮಕ್ಕಳಾದಿಯಾಗಿ ಮಂದ್‍ಗೆ ಪ್ರದಕ್ಷಿಣೆ ಬರುತ್ತಾ ಹಿಮ್ಮೇಳದ ವಾದ್ಯಕ್ಕೆ ಸರಿಯಾಗಿ ವಿವಿಧ ನಮೂನೆಯ ಕೋಲಾಟ ಪ್ರದರ್ಶಿಸಿದರು. ಇದರಲ್ಲಿ ಪರೆಯಕಳಿ, ಕಪ್ಪೆಯಾಟ ಮುಂತಾದ ಸಾಂಪ್ರದಾಯಿಕ ಆಚರಣೆಗಳು ನೆರೆದವರ ಗಮನ ಸೆಳೆದವು. ಮೈಯಿಡೀ ಕಪ್ಪು ಬಣ್ಣ ಸೊಂಟಕ್ಕೆ ಗಂಟೆ ಕಟ್ಟಿಕೊಂಡು ಸ್ತ್ರೀ ವೇಷಧಾರಿಯೊಂದಿಗೆ ನರ್ತಿಸುವ ಕಾಪಳ ವೇಷಗಾರರ ತಂಡ ಆಕರ್ಷಿಸಿತು. -ಪಿ.ವಿ.ಪ್ರಭಾಕರ್