ಸೋಮವಾರಪೇಟೆ, ಡಿ. 14: ಗ್ರಾಹಕರಿಗೆ ಅಡುಗೆ ಅನಿಲದ ಸೌಕರ್ಯವನ್ನು ಸಮರ್ಪಕಗೊಳಿಸುವ ಉದ್ದೇಶದಿಂದ ಐಗೂರಿನ ಪಾರ್ವತಿ ಗ್ಯಾಸ್ ಏಜೆನ್ಸಿಯ ವತಿಯಿಂದ ನೂತನ ಸೇವಾ ಕೇಂದ್ರವನ್ನು ಆಲೇಕಟ್ಟೆ ರಸ್ತೆಯಲ್ಲಿ ತೆರೆಯಲಾಯಿತು.

ಚೌಡ್ಲು ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ರಮ್ಯ ಕರುಣಾಕರ್ ಅವರು ನೂತನ ಸೇವಾ ಕೇಂದ್ರವನ್ನು ಉದ್ಘಾಟಿಸಿದರು. ಈ ಸಂದರ್ಭ ಸಿದ್ದಲಿಂಗಪುರ ಅರಶಿಣಗುಪ್ಪೆ ಶ್ರೀ ಮಂಜುನಾಥ ದೇವಾಲಯದ ಅರ್ಚಕರಾದ ಶ್ರೀ ರಾಜೇಶ್‍ನಾಥ್ ಗುರೂಜಿ, ಗ್ರಾ.ಪಂ. ಸದಸ್ಯರುಗಳಾದ ಧರ್ಮ, ಸಿ.ಸಿ. ನಂದ, ಅಜೀಜ್, ನರಸಿಂಹ, ಪಾರ್ವತಿ ಗ್ಯಾಸ್ ಸಂಸ್ಥೆಯ ಎಸ್.ಎ. ಮುರಳೀಧರ್, ಸರಿತ ಹಾಗೂ ಸಿಬ್ಬಂದಿಗಳು, ಗ್ರಾಹಕರು ಉಪಸ್ಥಿತರಿದ್ದರು.