ಮಡಿಕೇರಿ, ಡಿ. 15: ಭಾರತೀಯ ವಿದ್ಯಾಭವನ ಕೊಡಗು ಕೇಂದ್ರ ಮತ್ತು ಅಖಿಲ ಭಾರತೀಯ ಸಾಹಿತ್ಯ ಪರಿಷದ್ ಕೊಡಗು ಜಿಲ್ಲೆ ಇವರ ಸಂಯುಕ್ತ ಆಶ್ರಯದಲ್ಲಿ ತಾ. 16 ರಂದು (ಇಂದು) ವಿದ್ಯಾರ್ಥಿಗಳಿಗಾಗಿ ಚಿತ್ರಕಲಾ ಸ್ಪರ್ಧೆಯನ್ನು ಏರ್ಪಡಿಸಲಾಗಿದೆ.

ಉದ್ಘಾಟನೆಯನ್ನು ಬೆಳಿಗ್ಗೆ 9.30ಕ್ಕೆ ಡಾ.ಎಂ.ಜಿ. ಪಾಟ್ಕರ್ ಖಜಾಂಚಿ ಭಾರತೀಯ ವಿದ್ಯಾಭವನ ಇವರು ನೆರವೇರಿಸಲಿದ್ದಾರೆ. ಬಾಲಾಜಿ ಕಶ್ಯಪ್ ಕಾರ್ಯದರ್ಶಿ ಭಾರತೀಯ ವಿದ್ಯಾಭವನ, ಅಖಿಲ ಭಾರತೀಯ ಸಾಹಿತ್ಯ ಪರಿಷದ್ ಕೊಡಗು ಜಿಲ್ಲಾ ಸಂಚಾಲಕ ಜಯಕುಮಾರ್ ಎಂ.ಕೆ., ಸಂಚಾಲಕರು ಕೊಡಗು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷದ್ ಅಧ್ಯಕ್ಷರು ಲೋಕೇಶ್ ಸಾಗರ್, ಮಡಿಕೇರಿ ನಗರಸಭೆಯ ಸದಸ್ಯ ಹೆಚ್.ಎಂ. ನಂದಕುಮಾರ್ ಹಾಗೂ ಕರ್ನಾಟಕ ರಾಜ್ಯ ಅಖಿಲ ಭಾರತ ಸಾಹಿತ್ಯ ಪರಿಷದ್ ಪ್ರಧಾನ ಕಾರ್ಯದರ್ಶಿ ರಘುನಂದನ್ ಭಟ್, ಶಿವರಂಜನಿ ‘ಸಿರಿ’ ದೃಶ್ಯ ವಾಹಿನಿಯ ವ್ಯವಸ್ಥಾಪಕ ಸಂಪಾದಕರು ಇವರು ಉಪಸ್ಥಿತರಿರುವರು.