ಕುಶಾಲನಗರ,ಡಿ. 15: ಕುಶಾಲನಗರದ ಕಾಲೇಘಾಟ್ ಬಾರಿನ ನಗದು ಗುಮಾಸ್ತನಿಗೆ ಮದ್ಯ ಸೇವಿಸಲು ಬಂದ ವ್ಯಕ್ತಿ ಚಾಕುವಿನಿಂದ ಇರಿದ ಘಟನೆ ನಡೆದಿದೆ.

ಮೂಲತಃ ಮಡಿಕೇರಿಯ ಚೇರಂಬಾಣೆಯ ನಿವಾಸಿಯಾದ ಚೇತನ ಎಂಬವರೇ ಚಾಕುವಿನಿಂದ ಹಿರಿತಕ್ಕೊಳಗಾದ ವ್ಯಕ್ತಿ. ಇವರು ಮುಳ್ಳುಸೋಗೆಯಲ್ಲಿ ವಾಸವಿದ್ದು, ಕಾಲೇಘಾಟ್ ಬಾರಿನಲ್ಲಿ ನಗದು ಗುಮಾಸ್ತನಾಗಿ ಕೆಲಸ ನಿರ್ವಹಿಸುತ್ತಿ ದ್ದರು. ಕುಶಾಲನಗರದ ಗೋಪಾಲ್ ಸರ್ಕಲಿನ ನಿವಾಸಿ ವೆಂಕಟೇಶ್ ಎಂಬಾತ ಕಾಲೇಘಾಟ್ ಬಾರಿಗೆ ಮದ್ಯ ಸೇವಿಸಲು ತೆರಳಿ ಮದ್ಯಪಾನದ ನಂತರ ಹಣ ನೀಡದೇ ತೆರಳುತ್ತಿದ್ದ ಬಗ್ಗೆ ಚೇತನ ಪ್ರಶ್ನಿಸಿದ್ದರಿಂದ ವೆಂಕಟೇಶ ಚೇತನರವರಿಗೆ ಚಾಕುವಿನಿಂದ (ಮೊದಲ ಪುಟದಿಂದ) ಇರಿದಿದ್ದಾರೆ ಎಂದು ಕಾಲೇಘಾಟ್ ಬಾರಿನ ಸಹ ನಗದು ಗುಮಾಸ್ತ ಮೋಹನ್ ತಿಳಿಸಿದ್ದಾರೆ. ಚೇತನ ಅವರನ್ನು ಕುಶಾಲನಗರ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿ ಮೈಸೂರಿನ ಜೆ.ಎಸ್.ಎಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.ಈ ಬಗ್ಗೆ ಕುಶಾಲನಗರ ನಗರ ಪೊಲೀಸ್ ಠಾಣೆಗೆ ಮೋಹನ ಅವರು ದೂರು ನೀಡಿದ್ದು, ಆರೋಪಿ ವೆಂಕಟೇಶ್‍ನನ್ನು ಪೊಲೀಸರು ಬಂಧಿಸಿದ್ದಾರೆ.