ವೀರಾಜಪೇಟೆ, ಡಿ. 16 : ವೀರಾಜಪೇಟೆ ಕೊಡವ ಸಮಾಜದ ವತಿಯಿಂದ ನೂತನವಾಗಿ ನಿರ್ಮಿಸಲಾದ ಅತಿಥಿ ಗೃಹ ಹಾಗೂ ತೆರೆದ ಸಭಾಂಗಣವನ್ನು ತಾ:19ರಂದು ಬೆಳಿಗ್ಗೆ 10-30 ಗಂಟೆಗೆ ಉದ್ಘಾಟಿಸಲಾಗುವದು ಎಂದು ಆಡಳಿತ ಮಂಡಳಿ ತಿಳಿಸಿದೆ.

ಮಾಜಿ ಸಚಿವ ಮೇರಿಯಂಡ ಸಿ.ನಾಣಯ್ಯ ಅತಿಥಿ ಗೃಹಗಳನ್ನು ಉದ್ಘಾಟಿಸಲಿದ್ದು, ಬೆಂಗಳೂರಿನ ಉದ್ಯಮಿ ಕದ್ದಣಿಯಂಡ ಹರೀಶ್ ಬೋಪಣ್ಣ ತೆರೆದ ಸಭಾಂಗಣ ಉದ್ಘಾಟಿಸಲಿದ್ದಾರೆ. ಜಿಲ್ಲಾ ಪಂಚಾಯಿತಿ ಸದಸ್ಯ ಶಶಿ ಸುಬ್ರಮಣಿ ನಾಮಫಲಕವನ್ನು ಅನಾವರಣಗೊಳಿಸುವರು. ದಾನಿಗಳಾದ ಮುಕ್ಕಾಟಿರ ರಾಜ ಮಂದಪ್ಪ, ಚೋಕಂಡ ಕುಂತಿ ಬೋಪಯ್ಯ ಭಾಗವಹಿಸಲಿರುವರು. ಸಮಾರಂಭದ ಅಧ್ಯಕ್ಷತೆಯನ್ನು ಕೊಡವ ಸಮಾಜದ ಅಧ್ಯಕ್ಷ ವಾಂಚಿರ ಟಿ.ನಾಣಯ್ಯ ವಹಿಸಲಿರುವರು.

ಇದೇ ಸಮಾರಂಭದಲ್ಲಿ ಏಕಲವ್ಯ ಪ್ರಶಸ್ತಿ ಪಡೆದ ಅಂತರಾಷ್ಟ್ರೀಯ ಹಾಕಿ ಆಟಗಾರ ಮೇಕೆರಿರ ನಿತನ್ ತಿಮ್ಮಯ್ಯ, ಅಂತರಾಷ್ಟ್ರೀಯ ಮಟ್ಟದಲ್ಲಿ ಕಾರ್ಪೋರೇಟ್ ಕೋವುಲ್‍ನಲ್ಲಿ ಹೆಸರು ಗಳಿಸಿರುವ ಪುಗ್ಗೇರ ದಿನೇಶ್ ದೇವಯ್ಯ, ಯೂರೋಪ್‍ರ ಮೌಂಟ್ ಎಲ್ಟ್ರೆಸ್‍ನ್ನು ಹತ್ತಿದ ಸಾಧಕಿ ತಕ್ಕಡ ಭವಾನಿ ನಂಜುಂಡ ಇವರುಗಳನ್ನು ಸನ್ಮಾನಿಸಲಾಗುವದು ಪ್ರಕಟಣೆ ತಿಳಿಸಿದೆ.