ಕುಶಾಲನಗರ, ಡಿ. 17: ಕುಶಾಲನಗರ ಶ್ರೀ ಅಯ್ಯಪ್ಪಸ್ವಾಮಿ ದೇವಾಲಯದ ಮಂಡಲ ಪೂಜೋತ್ಸವ ಅಂಗವಾಗಿ ದೇವರ ಮೆರವಣಿಗೆ ನಡೆಯಿತು.

ಚಂಡೆವಾದ್ಯ, ಭವ್ಯ ದೀಪಾಲಂಕೃತ ಮಂಟಪದಲ್ಲಿ ಕುಶಾಲನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ನಂತರ ದೇವಾಲಯಕ್ಕೆ ಹಿಂತಿರುಗುವದರೊಂದಿಗೆ ಮಂಡಲ ಪೂಜೆ ತೆರೆ ಕಂಡಿತು. ಮೆರವಣಿಗೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಅಯ್ಯಪ್ಪಸ್ವಾಮಿ ವ್ರತಧಾರಿಗಳು ಪಾಲ್ಗೊಂಡಿದ್ದರು. ಬೆಳಗ್ಗಿನ ಜಾವ ಅಗ್ನಿಕುಂಡ ಪ್ರವೇಶ ಮತ್ತಿತರ ಧಾರ್ಮಿಕ ಕಾರ್ಯಕ್ರಮಗಳು ಜರುಗಿದವು.

ಈ ಸಂದರ್ಭ ದೇವಸ್ಥಾನ ಟ್ರಸ್ಟ್ ಅಧ್ಯಕ್ಷ ಗಣಪತಿ, ಟ್ರಸ್ಟಿಗಳಾದ ಶಿವಾನಂದ್, ಡಿ.ಆರ್. ಸೋಮಶೇಖರ್, ಮಣಿ, ಪಿ.ಜಿ. ಗಂಗಾಧರ್ ಮತ್ತಿತರರು ಇದ್ದರು.