*ಸಿದ್ದಾಪುರ, ಡಿ. 17: ಅಭ್ಯತ್‍ಮಂಗಲ ವ್ಯಾಪ್ತಿಯಲ್ಲಿ ಕಳೆದ ರಾತ್ರಿ ಹುಲಿ ಪ್ರತ್ಯಕ್ಷವಾಗಿದೆ. ಅಭ್ಯತ್ ಮಂಗಲ ಗ್ರಾಮದ ಕಾಫಿ ಬೆಳೆಗಾರ ಕೆ.ಎ. ಬೋಪಯ್ಯ ಅವರ ಕಾಫಿ ಕಣದ ಮೂಲಕ ಕಾಫಿತೋಟಕ್ಕೆ ಹುಲಿ ತೆರಳಿದೆ. ಅಲ್ಲಿಂದ ಚೆಟ್ಟಿಮೂಲೆಗೆ ತೆರಳಿ ಗ್ರೀನ್‍ಫೀಲ್ಡ್ ತೋಟಕ್ಕೆ ಹೋಗಿದೆ. ಇಂದು ಬೆಳಗ್ಗಿನ ಜಾವ ಅತ್ತಿಮಂಗಲದ ರಾಟೆಬಾಣೆ ಕಾಫಿ ತೋಟಕ್ಕಾಗಿ ಮರಗೋಡು ರಸ್ತೆಯ ರಬ್ಬರ್ ತೋಟದ ಮೂಲಕ ಸಾಗಿದ್ದು, ಇದನ್ನು ಸ್ಥಳೀಯರು ಗಮನಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಮೀನುಕೊಲ್ಲಿ ವನಪಾಲಕ ವಿಲಾಸ್ ಹಾಗೂ ಸಿಬ್ಬಂದಿ ಕುಶಾಲನಗರ ವಲಯ ರೇಂಜರ್ ಅರುಣ್ ಕುಮಾರ್ ಭೇಟಿ ನಿಡಿ ಪರಿಶೀಲನೆ ನಡೆಸಿದ್ದು, ಕಾಡಾನೆಗಳಿಂದ ಕಂಗೆಟ್ಟಿದ್ದ ಈ ಭಾಗದ ಜನತೆ ಇದೀಗ ಹುಲಿಯಿಂದಾಗಿ ಮತ್ತಷ್ಟು ಭಯಭೀತರಾಗಿದ್ದಾರೆ. -ಸುಧಿ.