ಮಡಿಕೇರಿ, ಡಿ. 17: ಮೈಸೂರಿನ ಹೂಟಗಳ್ಳಿಯ ಕೊಡಗು ಗೌಡ ಕ್ಷೇಮಾಭಿವೃದ್ಧಿ ಸಂಘದ ವತಿಯಿಂದ ಕ್ರೀಡಾ ಮತ್ತು ಸೌಹಾರ್ದ ಕೂಟ ಸಮಾರಂಭ ಸಂಘದ ಅಧ್ಯಕ್ಷ ಚಟ್ಟಿಮಾಡ ಜನಾರ್ಧನ ಅವರ ಅಧ್ಯಕ್ಷತೆಯಲ್ಲಿ ನಡೆಯಿತು.

ಕ್ಷೇತ್ರ ಶಿಕ್ಷಣಾಧಿಕಾರಿ ಪಾಂಡವಪುರ ಮಂಡ್ಯದ ದೇವಂಗೋಡಿ ಮಲ್ಲೇಶ್ವರಿ, ಕೂರ್ಗಳ್ಳಿ ಗ್ರಾ.ಪಂ. ಸದಸ್ಯೆ ಬೆಳ್ಳಿಮಾನಿ ಸುಧಾರಾಣಿ ಆಗಮಿಸಿದ್ದರು. ಸಮಾರಂಭದಲ್ಲಿ ಕ್ರೀಡಾಕೂಟ, ಅರೆಭಾಷೆ ಕ್ವೀಜ್, ಸಾಂಸ್ಕøತಿಕ ಕಾರ್ಯಕ್ರಮ, ಪ್ರತಿಭಾ ಪುರಸ್ಕಾರ, ಹಿರಿಯ ನಾಗರಿಕರಿಗೆ ಸನ್ಮಾನ ಮತ್ತು ಕೊಡಗಿನಲ್ಲಿ ಪ್ರಕೃತಿ ವಿಕೋಪಕ್ಕೆ ಒಳಗಾದ 5 ಕುಟುಂಬದವರಿಗೆ ತಲಾ ರೂ. 10 ಸಾವಿರ ನಗದು ನೀಡಲಾಯಿತು.

ಸಬ್ಬಂಡ್ರ ಶರತ್ ಮತ್ತು ಸಂಜಯ್, ಯಾಲದಾಳು ರವಿ ಪೂಣಚ್ಚ, ಬಾಣೂರು ಘನವತಿ, ನಾರ್‍ಕೋಡಿ ಧನಲಕ್ಷ್ಮಿ ಅವರುಗಳಿಗೆ ಹಣ ನೀಡಲಾಯಿತು.

ಸಮಾರಂಭದಲ್ಲಿ ಸಂಘದ ಉಪಾಧ್ಯಕ್ಷ ಚರುಕನ ಲವ, ಪ್ರಧಾನ ಕಾರ್ಯದರ್ಶಿ ಮುಕ್ಕಾಟಿ ಅರುಣ್‍ಕುಮಾರ್, ಖಜಾಂಚಿ ಎಡಿಕೇರಿ ಪೂಣಚ್ಚ, ಸಹಕಾರ್ಯದರ್ಶಿ ಚಿಕ್ಕೋಡಿ ರಮೇಶ್ ಮತ್ತು ಸಂಘದ ನಿರ್ದೇಶಕರುಗಳಾದ ಬೆಪ್ಪುರನ ಗಾಯತ್ರಿ, ಕಡ್ಲೇರ ನಾಗೇಶ್, ಹೊಸೋಕ್ಲು ಅಪ್ಪಯ್ಯ, ಮೂಟೇರ ಆನಂದ, ನಂಗಾರು ರಾಜೇಶ, ಸೂರ್ತಲೆ ಹರೀಶ, ವಿಶೇಷ ಆಹ್ವಾನಿತರುಗಳಾಗಿ ಬೆಳ್ಳಿಮಾನಿ ಮೋಹನ್ ಕುಮಾರ್ ಮತ್ತು ಎಡಿಕೇರಿ ತಮ್ಮಯ್ಯ ಪಾಲ್ಗೊಂಡಿದ್ದರು. ನಿರ್ದೇಶಕಿ ತೊತ್ತಿಯನ ರೋಹಿಣಿ ನಿರೂಪಿಸಿದರು.