ಮಡಿಕೇರಿ, ಏ. 13: ನಾಕೂರು-ಶಿರಂಗಾಲ ಗ್ರಾಮದ ಶ್ರೀ ಈಶ್ವರ (ಗಂಗಾಧರೇಶ್ವರ), ಶ್ರೀ ಮಹಾ ಗಣಪತಿ, ಶ್ರೀ ದುರ್ಗಾದೇವಿ, ಶ್ರೀ ವೀರಭದ್ರಸ್ವಾಮಿ, ಶ್ರೀ ದಂಡಿನ ಮಾರಿಯಮ್ಮ, ಶ್ರೀ ಮಾಸ್ತಿಯಮ್ಮ, ಶ್ರೀ ಗ್ರಾಮ ದೇವತೆ ಮತ್ತು ಶ್ರೀ ಬೆಳ್ಳಾರಿಕಮ್ಮ ದೇವರ ವಾರ್ಷಿಕ ಮಹಾಪೂಜೆ ತಾ. 18 ರಿಂದ 24 ರವರೆಗೆ ನಡೆಯಲಿದೆ.

ತಾ. 18 ರಂದು ಬೆಳಿಗ್ಗೆ 9 ಗಂಟೆಗೆ ಗ್ರಾಮ ದೇವತೆ ಪೂಜೆ. ತಾ. 20 ರಂದು ಸಂಜೆ 4 ಗಂಟೆಗೆ ತಂತ್ರಿಗಳ ಆಗಮನ, ದೇವರಿಗೆ ಫಲಾನ್ಯಾಸ, ಹಸಿರುವಾಣಿ ಸಮರ್ಪಣೆ, ಉಗ್ರಾಣ ಮುಹೂರ್ತ, ಅಂದಿ ಉತ್ಸವ, ದೇವರ ಚೋಚಂಬಲಿ, ಮಹಾ ಪೂಜೆ, ಪ್ರಸಾದ ವಿನಿಯೋಗ ನಂತರ ಅನ್ನಸಂತರ್ಪಣೆ ನೆರವೇರಲಿದೆ.

ತಾ. 21 ರಂದು ಬೆಳಿಗ್ಗೆ 7.30 ಗಂಟೆಗೆ ದೇವರ ನೃತ್ಯ ಬಲಿ, ದೇವರ ಪೂಜೆ, ಗಣಹೋಮ, ಏಕದಶ, ರುದ್ರಾಭಿಷೇಕ, ಮಹಾಪೂಜೆ, ತೀರ್ಥಪ್ರಸಾದ, ಅನ್ನಸಂತರ್ಪಣೆ, ಸಂಜೆ 4 ಗಂಟೆಗೆ ನೆರಪು ಬಲಿ, ಸಂಜೆ 6.30 ಕ್ಕೆ ದುರ್ಗಾದೇವಿ ಪೂಜೆ, ರಾತ್ರಿ 7.30 ಕ್ಕೆ ರಂಗಪೂಜೆ, ಮಹಾಪೂಜೆ ನಂತರ ಪ್ರಸಾದ ವಿನಿಯೋಗದ ನಂತರ ಅನ್ನಸಂತರ್ಪಣೆ ಏರ್ಪಡಿಸಲಾಗಿದೆ.

ತಾ. 22 ರಂದು ಬೆಳಿಗ್ಗೆ 7 ಗಂಟೆಗೆ ಶ್ರೀ ಬೆಳ್ಳರಿಕಮ್ಮ ದೇವರ ಪೂಜೆ, ಬೆಳಿಗ್ಗೆ 8.30 ಕ್ಕೆ ಶ್ರೀ ಈಶ್ವರ ದೇವಸ್ಥಾನದಲ್ಲಿ ಗಣಹೋಮ, ಏಕದಶ ರುದ್ರಾಭಿಷೇಕ, ಸಾಮೂಹಿಕ ಮಹಾ ಮೃತ್ಯುಂಜಯ ಹೋಮ, ಮಹಾಪೂಜೆ, ಪ್ರಸಾದ ವಿನಿಯೋಗ, ಅನ್ನಸಂತರ್ಪಣೆ, ಸಂಜೆ 4 ಗಂಟೆಗೆ ಜಳಕ (ಗಂಗಾ ಅವಭೃತ ಸ್ನಾನ), 7.30 ಕ್ಕೆ ದೇವರ ನೃತ್ಯಬಲಿ, ಪ್ರಸಾದ ವಿತರಣೆ, ಶುದ್ಧಕಲಶಾಭಿಷೇಕ, ಮಹಾಪೂಜೆ ಮಂತ್ರಾಕ್ಷತೆ, ಪ್ರಸಾದ ವಿನಿಯೋಗ, ಅನ್ನಸಂತರ್ಪಣೆ. ಸಂಜೆ 5 ಗಂಟೆಗೆ ಶ್ರೀ ಮಾಸ್ತಿಯಮ್ಮ ದೇವರ ಪೂಜೆ, ರಾತ್ರಿ 7.30 ಕ್ಕೆ ದೇವರ ನೃತ್ಯಬಲಿ, ಗಂಧ ಪ್ರಸಾದ ವಿತರಣೆ ನಂತರ ಅನ್ನಸಂತರ್ಪಣೆ ನಡೆಯಲಿದೆ.

ತಾ. 23 ರಂದು ಬೆಳಿಗ್ಗೆ 8 ಗಂಟೆಗೆ ಶ್ರೀ ದಂಡಿನ ಮಾರಿಯಮ್ಮ ದೇವರ ವಾರ್ಷಿಕ ಮಹಾಪೂಜೆ, 12 ಗಂಟೆಗೆ ಶ್ರೀ ಮಾರಿಯಮ್ಮ ದೇವರ ಉತ್ಸವ ಹೊರಡುವದು. ನಂತರ ಅನ್ನಸಂತರ್ಪಣೆ ನೆರವೇರಲಿದೆ.

ತಾ. 24 ರಂದು ಬೆಳಿಗ್ಗೆ 4 ಗಂಟೆಗೆ ಶ್ರೀ ದಂಡಿನ ಮಾರಿಯಮ್ಮ ದೇವರಿಗೆ ಹರಕೆ ಪೂಜೆ ನೆರವೇರಲಿದೆ ಎಂದು ದೇವಾಲಯ ಆಡಳಿತ ಮಂಡಳಿ ಪ್ರಕಟಣೆಯಲ್ಲಿ ತಿಳಿಸಿದೆ.