ಕಾಕೋಟುಪರಂಬು (ವೀರಾಜಪೇಟೆ), ಏ. 24: ಹಾಕಿ ಕೊಡಗು ಸಂಸ್ಥೆಯಿಂದ ಕಾಕೋಟುಪರಂಬು ಪ್ರಾಥಮಿಕ ಹಾಗೂ ಪ್ರೌಢಶಾಲಾ ಮೈದಾನದಲ್ಲಿ ಕೊಡವ ಕುಟುಂಬಗಳ ನಡುವೆ ನಡೆಯುತ್ತಿರುವ ಕೌಟುಂಬಿಕ ಹಾಕಿ ಪಂದ್ಯಾಟದಲ್ಲಿ ಕೋದಂಡ, ಕೊಂಗಂಡ, ಕುಮ್ಮಂಡ, ಚೆರುವಾಳಂಡ, ಅನ್ನಡಿಯಂಡ, ಬೊಳ್ಯಪಂಡ, ಪುದಿಯೊಕ್ಕಡ, ಅರೆಯಡ, ಕಾಂಡಂಡ, ಕಣ್ಣಂಡ ತಂಡಗಳು ಮುಂದಿನ ಸುತ್ತಿನ ಅರ್ಹತೆ ಪಡೆದುಕೊಂಡಿದೆ.

ಮ್ಯೆದಾನ 1 ರಲ್ಲಿ ನಡೆದ ಪಂದ್ಯದಲ್ಲಿ ಕೋದಂಡ ತಂಡ 1-0 ಗೋಲಿನಿಂದ ಅಲ್ಲಾರಂಡ ತಂಡವನ್ನು ಪರಾಭವ ಗೊಳಿಸಿತು. ಕೊದಂಡ ಪರ ಜೆಸ್ಸಿ ಅಪ್ಪಣ್ಣ(24ನಿ)ದಲ್ಲಿ ಗೋಲು ಬಾರಿಸಿದರು. ಕೊಂಗಂಡ ತಂಡ 4-2 ಗೋಲುಗಳಿಂದ ಪಾಲಂದಿರ ತಂಡವನ್ನು ಟೈಬ್ರೇಕರ್‍ನಲ್ಲಿ ಮಣಿಸಿತು. ನಿಗದಿತ ಅವದಿಯಲ್ಲಿ ಯಾವದೇ ಗೋಲಾಗಲಿಲ್ಲ. ಟೈಬ್ರೇಕರ್‍ನಲ್ಲಿ ಕೊಂಗಂಡ ಪರ ಬೋಪಣ್ಣ, ನಾಚಪ್ಪ, ಹರ್ಷ, ಪೊನ್ನಣ್ಣ, ಪಾಲಂದಿರ ಪರ ನಾಣಯ್ಯ, ಮುತ್ತಣ್ಣ ಗೋಲು ಹೊಡೆದರು.

ಕುಮ್ಮಂಡ ತಂಡ2-0 ಗೊಲುಗಳಿಂದ ಚೇರಂಡ ತಂಡವನ್ನು ಪರಾಭವ ಗೊಳಿಸಿತು. ಕುಮ್ಮಡ ಪರ ನಾಗೇಶ್(6,24ನಿ)ದಲ್ಲಿ ಗೋಲು ಹೊಡೆದರು. ಚೆರುವಾಳಂಡ ತಂಡ 4-0 ಗೋಲುಗಳಿಂದ ಕುಂಚೇಟ್ಟಿರ ತಂಡವನ್ನು ಸೋಲಿಸಿತು. ಚೆರವಾಳಂಡ ಪರ ಸುಬ್ಬಯ್ಯ(6ನಿ), ನಿಶಾನ್(15ನಿ), ನಿರನ್(18ನಿ), ಸಚಿನ್(23ನಿ)ದಲ್ಲಿ ಗೋಲು ದಾಖಲಿಸಿದರು. ಪುಲ್ಲೆರ ತಂಡ ಬಾರದ ಕಾರಣ ಆಯೋಜಕರು ಅನ್ನಡಿಯಂಡ ತಂಡವನ್ನು ವಿಜಯಿ ಎಂದು ಘೋಷಿಸಿದರು. ಬೊಳ್ಯಪಂಡ ತಂಡ ಕೇಳಪಂಡ ತಂಡವನ್ನು 3-2 ಗೋಲುಗಳಿಂದ ಪರಾಭವ ಗೋಳಿಸಿತು. ನಿಗದಿತ ಅವಧಿಯಲ್ಲಿ ಯಾವದೇ ಗೋಲಾಗಲಿಲ್ಲ. ಟೈಬ್ರೇಕರ್‍ನಲ್ಲಿ ಬೊಳ್ಯೆಪಂಡ ಪರ ಪವಿನ್, ರೋಷನ್, ದಿಲನ್, ಕೇಳಪಂಡ ಪರ ಕವನ್, ಶಿರಾಗ್ ಗೋಲು ದಾಖಲಿಸಿ ಮುಂದಿನ ಸುತ್ತಿನಿಂದ ವಂಚಿತರಾದರು.

ಮ್ಯೆದಾನ 2 ರಲ್ಲಿ ಪುದಿಯೊಕ್ಕಡ ತಂಡ ಟೈಬ್ರೇಕರ್‍ನಲ್ಲಿ 5-2 ಗೋಲುಗಳಿಂದ ಮಾಚಿಮಂಡ ತಂಡವನ್ನು ಪರಾಭವ ಗೊಳಿಸಿತು. ನಿಗದಿತ ಅವಧಿಯಲ್ಲಿ ಎರಡು ತಂಡಗಳು 2-2 ಗೋಲುಗಳ ಸಮಬಲ ಸಾಧಿಸಿತು. ಪುದಿಯೊಕ್ಕಡ ಪರ ವಿಪನ್(24ನಿ), ಬೋಪಣ್ಣ(30ನಿ), ಟೈಬ್ರೇಕರ್‍ನಲ್ಲಿ ಪುದಿಯೊಕ್ಕಡ ಪರ ಸೂರಜ್, ಬೋಪಣ್ಣ, ವಿಪನ್ , ಮಾಚಿಮಂಡ ಪರ ಬಿದ್ದಪ್ಪ(15ನಿ), ನಾಚಪ್ಪ(25ನಿ)ದಲ್ಲಿ ಗೋಲು ದಾಖಲಿಸಿದರು.

ಅರೆಯಡ ತಂಡ ಹೊದವಾಡ ಚೌರಿರ ತಂಡವನ್ನು 2-0 ಗೋಲುಗಳಿಂದ ಮಣಿಸಿತು ಅರೆಯಡ ಪರ ವಿವಿನ್(8ನಿ),ಚಿಣ್ಣಪ್ಪ(35ನಿ)ದಲ್ಲಿ ಗೋಲು ಹೊಡೆದರು. ಕಾಂಡಂಡ ತಂಡವು 3-2 ಗೋಲುಗಳಿಂದ ಬೊಟ್ಟಂಗಡ ತಂಡವನ್ನು ಪರಾಭವ ಗೊಳಿಸಿತ್ತು. ಕಾಂಡಂಡ ಪರ ಕಿರಣ್(4ನಿ), ಅನಿಲ್(18ನಿ), ಕುಶಾಲಪ್ಪ(32ನಿ), ಬೊಟ್ಟಂಗಡ ಪರ ರವೀಂದ್ರ(23ನಿ), ಗೌತಮ್(25ನಿ)ದಲ್ಲಿ ಗೋಲು ಬಾರಿಸಿದರು. ಕಣ್ಣಂಡ ತಂಡ 2-1 ಗೋಲುಗಳಿಂದ ಬೊಳಕಾರಂಡ ತಂಡವನ್ನು ಮಣಿಸಿತು. ಕಣ್ಣಂಡ ಪರ ದೇವಯ್ಯ(12ನಿ), ಶರಣ್(29ನಿ), ಬೊಳಕಾರಂಡ ಪರ ಪೂಣಚ್ಚ(21ನಿ)ದಲ್ಲಿ ಗೋಲು ಬಾರಿಸಿ ಮುಂದಿನ ಸುತ್ತಿನ ಅರ್ಹತೆ ಪಡೆದುಕೊಂಡರು.