ಮಡಿಕೇರಿ, ಜು. 8: ಕಾಫಿ ತೋಟದಲ್ಲಿ ಕೆಲಸ ಮಾಡುತ್ತಿದ್ದ ಸಂದರ್ಭ ಮರದ ರೆಂಬೆ ಬಿದ್ದು ಮಹಿಳೆಯೋರ್ವರು ದುರ್ಮರಣ ಹೊಂದಿರುವ ಘಟನೆ ಇಲ್ಲಿಗೆ ಸಮೀಪದ ಕರ್ಣಂಗೇರಿಯಲ್ಲಿ ನಡೆದಿದೆ. ಕರ್ಣಂಗೇರಿಯ ಕಾವೇರಿ ಎಸ್ಟೇಟ್‍ನ ಲೈನ್‍ಮನೆಯಲ್ಲಿ ವಾಸವಿರುವ ಪ್ರಕಾಶ್ ಎಂಬವರ ಪತ್ನಿ ಬೇಬಿ (55) ಎಂಬವರು ಇತರ ಕಾರ್ಮಿಕರೊಂದಿಗೆ ತೋಟದಲ್ಲಿ ಕೆಲಸ ಮಾಡುತ್ತಿದ್ದರು. ಇಂದು ಗಾಳಿ ಅಧಿಕವಿದ್ದುದರಿಂದ ಮರದ ರೆಂಬೆಯೊಂದು ಮುರಿದು ಬೇಬಿ ಅವರ ಮೇಲೆ ಬಿದ್ದಿದೆ. ಗಂಭೀರ ಗಾಯಗಳಾಗಿದ್ದ ಬೇಬಿ ಅವರು ಸಾವನ್ನಪ್ಪಿದ್ದಾರೆ. ಮರಣೋತ್ತರ ಪರೀಕ್ಷೆ ಬಳಿಕ ಮೃತದೇಹವನ್ನು ವಾರಿಸುದಾರರಿಗೆ ಒಪ್ಪಿಸಲಾಗಿದೆ. ಈ ಬಗ್ಗೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.