ಮಡಿಕೇರಿ, ಜು. 8: ಕುಟ್ಟ ಕೊಡವ ಸಮಾಜದ ವತಿಯಿಂದ ‘ಕಕ್ಕಡ ನಮ್ಮೆ’ಯನ್ನು ಈ ಬಾರಿ ಆ. 4 ರಂದು ನಡೆಸಲು ನಿರ್ಧರಿಸಲಾಗಿದೆ. ಕುಟ್ಟ ಕೊಡವ ಸಮಾಜದ ಅಧ್ಯಕ್ಷ ಕಳ್ಳಿಚಂಡ ವಿಷ್ಣು ಕಾರ್ಯಪ್ಪ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ‘ಕಕ್ಕಡ ನಮ್ಮೆ’ ಆಚರಣೆ ಕುರಿತು ಚರ್ಚಿಸಲಾಯಿತು. ಆ. 4 ರಂದು ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 4 ಗಂಟೆಯವರೆಗೆ ನಡೆಯುವ ಕಾರ್ಯಕ್ರಮದಲ್ಲಿ ತಿಂಡಿ, ತಿನಿಸು, ಪುಸ್ತಕ, ವಿವಿಧ ಸಾಮಗ್ರಿಗಳು, ಬಟ್ಟೆಗಳು ಸೇರಿದಂತೆ ವಾಹನಗಳ ಪ್ರದರ್ಶನ ಮತ್ತು ಮಾರಾಟದ ವ್ಯವಸ್ಥೆ ಮಾಡಲಾಗಿದೆ. ಅಂದು ಮಳಿಗೆಯನ್ನು ಹಾಕಲು ಆಸಕ್ತಿ ಇರುವವರು ಶಾಲಿನಿ ಕಾರ್ಯಪ್ಪ: 9741213440, ದೇಚು ಕಾರ್ಯಪ್ಪ: 9742112345 ಸಂಪರ್ಕಿಸಬದಾಗಿದೆ.

ಸಭೆಯಲ್ಲಿ ಕೊಡವ ಸಮಾಜದ ಕಾರ್ಯದರ್ಶಿ ಸುರೇಶ್ ದೇವಯ್ಯ, ಕ್ರೀಡಾ ಸಮಿತಿ ಕಾರ್ಯದರ್ಶಿ ರಾಬಿನ್ ಕಾರ್ಯಪ್ಪ, ಖಜಾಂಚಿ ಪ್ರಕಾಶ್, ಜಂಟಿ ಕಾರ್ಯದರ್ಶಿ ಅಪ್ಪಣ್ಣ, ಸದಸ್ಯರಾದ ಶಾಲಿನಿ, ದೇಚು, ಪ್ರಿಯ, ಗ್ರೀಷ್ಮ, ನವ್ಯ ಮತ್ತಿತರ ಪ್ರಮುಖರು ಹಾಜರಿದ್ದರು.