ಸುಂಟಿಕೊಪ್ಪ, ಜು. 8: ಕೊಡಗರಹಳ್ಳಿ ಅಂಗನವಾಡಿ ಕೇಂದ್ರದಲ್ಲಿ ಆರೋಗ್ಯವಂತ ಶಿಶು ಪ್ರದರ್ಶನ ಕಾರ್ಯಕ್ರಮ ನಡೆಯಿತು. ಕೊಡಗರಹಳ್ಳಿ ಗ್ರಾ.ಪಂ. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಸಂಯುಕ್ತ ಆಶ್ರಯದಲ್ಲಿ ಕೊಡಗರಹಳ್ಳಿ ಮತ್ತು ಉಪ್ಪುತ್ತೋಡು ಅಂಗನವಾಡಿ ಆಯೋಜಿಸಲಾಗಿದ್ದ ಆರೋಗ್ಯವಂತ ಶಿಶು ಪ್ರದರ್ಶನ ಕಾರ್ಯಕ್ರಮವನ್ನು ಗ್ರಾ.ಪಂ. ಅಧ್ಯಕ್ಷ ಅಬ್ಬಾಸ್ ಉದ್ಘಾಟಿಸಿದರು. ತಾಯಿ ಮತ್ತು ಮಕ್ಕಳ ಆರೈಕೆ, ಸಾಂಕ್ರಾಮಿಕ ರೋಗ ತಡೆಗಟ್ಟುವದು ಹೇಗೆ ಎಂಬ ಬಗ್ಗೆ ಆರೋಗ್ಯ ಮೇಲ್ವಿಚಾರಕಿ ಬಿ.ಟಿ. ಚಂದ್ರಮ್ಮ ವಿವರಣೆ ನೀಡಿದರು. ಉಪ್ಪುತ್ತೋಡು ಅಂಗನವಾಡಿ ಕಾರ್ಯಕರ್ತೆ ಸಿ.ಸಿ. ಮಹಾದೇವಮ್ಮ ಇಲಾಖೆ ಸೌಲಭ್ಯ ಮಾತೃ ವಂದನೆ, ಮಾತೃಪೂರ್ಣ, ಮಾತೃಶ್ರೀ ಯೋಜನೆ ಬಗ್ಗೆ ಮಾಹಿತಿ ನೀಡಿದರು. ಸುಂಟಿಕೊಪ್ಪ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಜೀವನ್ ಉಪಸ್ಥಿತರಿದ್ದರು. ಮೊದಲಿಗೆ ಆರೋಗ್ಯ ಸಹಾಯಕಿ ಸಿ.ಎಸ್. ಪ್ರಮೀಳಾ ಸ್ವಾಗತಿಸಿ, ಕಾರ್ಯಕ್ರಮವನ್ನು ನಿರೂಪಿಸಿ ಪ್ರಾಸ್ತಾವಿಕವಾಗಿ ಸಾವಿತ್ರಿ ಮಾತನಾಡಿದರು. ಮೀನಾ ಸೋಮಯ್ಯ ಹಿತನುಡಿಗಳನ್ನಾಡಿದರು. ಎಸ್.ಎನ್. ಸಾವಿತ್ರಿ ವಂದಿಸಿದರು.