ಸಿದ್ದಾಪುರ, ಜು. 8: ಶಾಲಾ ಮಕ್ಕಳು, ಕಾರ್ಮಿಕರು ಓಡಾ ಡುವ ಸಮಯದಲ್ಲಿ ಕಾಡಾನೆಗಳೆರಡು ಸಂಚರಿಸುವದರೊಂದಿಗೆ ಗ್ರಾಮಸ್ಥರಲ್ಲಿ ಆತಂಕ ಸೃಷ್ಟಿಸಿರುವ ಘಟನೆ ನಡೆದಿದೆ. ಇಲ್ಲಿಗೆ ಸಮೀಪದ ಮಾಲ್ದಾರೆಯ ಬೆಳೆಗಾರ ನಾಯಡ ಮಧು ಅವರ ಮನೆ ಎದುರು ಇಂದು ಬೆಳಿಗ್ಗೆ 9 ಗಂಟೆ ವೇಳೆಗೆ ಎರಡು ಕಾಡಾನೆಗಳು ರಸ್ತೆಯಲ್ಲಿ ಪ್ರತ್ಯಕ್ಷವಾಗಿವೆ. ಒಂದು ಆನೆಯನ್ನು ನಾಯಿಗಳು ಬೊಗಳುತ್ತಾ ಕಾಡಿಗೆ ಅಟ್ಟಿದರೆ ಮತ್ತೊಂದು ರಸ್ತೆಯಲ್ಲೇ ಓಡಾಡಿ ಅವರೆಗುಂದ ರಸ್ತೆ ಮೂಲಕ ಓಡಿದೆ. ಕಾಡಾನೆಗಳು ಪ್ರತ್ಯಕ್ಷವಾದ್ದರಿಂದ ಜನರು, ವಿದ್ಯಾರ್ಥಿಗಳು ಭಯಭೀತರಾಗಿದ್ದಾರೆ. ಈ ಹಿಂದೆ ಇದೇ ವ್ಯಾಪ್ತಿಯಲ್ಲಿ ಆನೆ ವಾಹನವೊಂದನ್ನು ಜಖಂಗೊಳಿಸಿದ್ದಲ್ಲದೆ ಮಹಿಳೆಯೋರ್ವರ ಮೇಲೆಯೂ ಧಾಳಿ ನಡೆಸಿತ್ತು. -ಸುಧಿ