ಕುಶಾಲನಗರ, ಜು. 8: ಕುಶಾಲನಗರದಲ್ಲಿ ಕಳೆದ 3 ತಿಂಗಳ ಕಾಲ ವೃತ್ತ ನಿರೀಕ್ಷಕರಾಗಿ ಕಾರ್ಯನಿರ್ವಹಿಸಿದ ದಿನೇಶ್‍ಕುಮಾರ್ ವರ್ಗಾವಣೆಯಾದ ಹಿನ್ನೆಲೆ ಪೊಲೀಸ್ ಅಧಿಕಾರಿ, ಸಿಬ್ಬಂದಿ ಬೀಳ್ಕೊಡುಗೆ ಸಮಾರಂಭ ನಡೆಸಿದರು. ಪೊಲೀಸ್ ಸಮುದಾಯ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಡಿವೈಎಸ್ಪಿ ಪಿ.ಕೆ. ಮುರಳೀಧರ್ ಅಧ್ಯಕ್ಷತೆಯಲ್ಲಿ ದಿನೇಶ್‍ಕುಮಾರ್ ಅವರನ್ನು ಗೌರವಿಸಲಾಯಿತು. ವೃತ್ತ ನಿರೀಕ್ಷಕರುಗಳಾದ ಕುಮಾರ ಆರಾಧ್ಯ, ಕ್ಯಾತೆಗೌಡ, ಪೊಲೀಸ್ ಉಪ ನಿರೀಕ್ಷಕರುಗಳಾದ ಜಗದೀಶ್, ನಂದೀಶ್, ಶಿವಶಂಕರ್, ಜಯರಾಂ, ಪ್ರೊಬೆಷನರಿ ಸಬ್ ಇನ್ಸ್‍ಪೆಕ್ಟರ್ ಅರ್ಚನಾ ಮತ್ತು ಸಿಬ್ಬಂದಿ ಪಾಲ್ಗೊಂಡಿದ್ದರು.