*ಗೋಣಿಕೊಪ್ಪಲು, ಜು. 11: ಕಾವೇರಿ ಪದವಿಪೂರ್ವ ಕಾಲೇಜಿನ ವಿಜ್ಞಾನ ವಿಭಾಗದ ವಿದ್ಯಾರ್ಥಿಗಳಿಗೆ ಎನ್.ಡಿ.ಎ. ಮತ್ತು ಎನ್.ಇ.ಇ.ಟಿ. ಪರೀಕ್ಷೆ ಹಾಗೂ ಸೈನ್ಯಕ್ಕೆ ಸೇರುವ ಕುರಿತು ಉಪನ್ಯಾಸ ನಡೆಯಿತು. ಹುದಿಕೇರಿಯ ತಪಸ್ಯ ಶಾಲೆಯ ಮುಖ್ಯಸ್ಥ ಪೃಥ್ವಿ ಪೂಣಚ್ಚ ವಿದ್ಯಾರ್ಥಿಗಳಿಗೆ ಉಪನ್ಯಾಸ ನೀಡಿದರು. ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧಗೊಳ್ಳಲು ನಡೆಸಬೇಕಾದ ತಯಾರಿ ಬಗ್ಗೆ ಮಾಹಿತಿ ನೀಡಿದರು. ಎನ್.ಇ.ಇ.ಟಿ. ಹಾಗೂ ಸಿ.ಇ.ಟಿ. ಪರೀಕ್ಷೆ ಬರೆಯಲು ಇಚ್ಚಿಸುವ ವಿದ್ಯಾರ್ಥಿಗಳು ಪ್ರೌಢಶಾಲಾ ಮಟ್ಟದಲ್ಲೇ ಸಿದ್ಧಗೊಂಡರೆ ಉತ್ತಮ ರ್ಯಾಂಕ್ ಪಡೆಯಲು ಸಾಧ್ಯ ಎಂದು ಕಿವಿಮಾತು ಹೇಳಿದರು. ಪ್ರಾಂಶುಪಾಲ ಎಸ್.ಎಸ್. ಮಾದಯ್ಯ ಸ್ವಾಗತಿಸಿ, ಚೇತನ್ ಚಿಣ್ಣಪ್ಪ ವಂದಿಸಿದರು.