ಮಡಿಕೇರಿ, ಸೆ. 15: ಗೌರಿ ಗಣೇಶೋತ್ಸವ ಸಮಿತಿ ಸುಂಟಿಕೊಪ್ಪ ಇದರ ಆಶ್ರಯದಲ್ಲಿ ಮೀನಾಕ್ಷಿ ಕಲ್ಯಾಣ ಮಂಟಪದಲ್ಲಿ ನಡೆದ ಯಕ್ಷಗಾನ ಕಾರ್ಯಕ್ರಮದಲ್ಲಿ ನಗರದ ಓಂಕಾರೇಶ್ವರ ಪ್ರವಾಸಿ ಯಕ್ಷಗಾನ ತಂಡದ ಕಲಾವಿದರು ನಡೆಸಿಕೊಟ್ಟ ‘ಶ್ರೀ ಹರಿದರ್ಶನ’ ಯಕ್ಷಗಾನ ಪ್ರಸಂಗ ಕಲಾಭಿಮಾನಿಗಳನ್ನು ಮನರಂಜಿಸಿತು.

ಈ ಕಾರ್ಯಕ್ರಮದಲ್ಲಿ ಹಿಮ್ಮೇಳ ಕಲಾವಿದರಾಗಿ ಸುದರ್ಶನ ಭಟ್ಟಚಾರ್ಯರು, ಎ.ಬಿ. ಮಾಧವ ಜೋಡುಪಾಲ, ಈಶ್ವರ ಮಲ್ಲ, ಬಾಲಕೃಷ್ಣ ಬೊಮ್ಮರು ಮತ್ತು ಪಾತ್ರಧಾರಿಗಳಾಗಿ ಕೆ. ಮಹಾಬಲೇಶ್ವರ ಭಟ್ಟ ಭಾಗಮಂಡಲ, ಸದಾನಂದ ಕಾಶಿಕಟ್ಟೆ, ಯೋಗಿಶ್ ಸುಬ್ರಮಣ್ಯ, ಅಶ್ವತ್ ಮಂಜನಾಡಿ, ಅರುಣ್ ಕೂಡ್ಲು, ಸಂದೇಶ ಬಿ.ಸಿ. ರೋಡ್, ಗಣೇಶ ಬೆಂಗಳೂರು, ಪಿ.ಯು. ಸುಂದರ ಮದೆನಾಡು, ಶೇಖರ ಜಯನಗರ, ಜಯರಾಜ್ ಸುಬ್ರಮಣ್ಯ ಭಾಗವಹಿಸಿದ್ದರು. ಲಕ್ಷ್ಮೀಶ ಸುಬ್ರಮಣ್ಯ ಇವರು ನಿರ್ದೇಶನದಲ್ಲಿ ರಂಗಸುರಭಿಯ ರಾಮಣ್ಣ ಗೌಡ ಕಲ್ಮಡ್ಕ ಪಾಲ್ಗೊಂಡಿದ್ದರು.