ಗೋಣಿಕೊಪ್ಪ, ಸೆ. 17: ಕಾವೇರಿ ದಸರಾ ಜನೋತ್ಸವದ 41ನೇ ವರ್ಷದ ಆಚರಣೆಯ ಅಂಗವಾಗಿ ತಾ. 29 ರಿಂದ ಅಕ್ಟೋಬರ್ 8ರ ವರೆಗೆ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಲಿದೆ.

ಈ ದಿನಗಳಲ್ಲಿ ಗೋಣಿಕೊಪ್ಪಲು ಪ್ರಾಥಮಿಕ ಶಾಲಾ ಮೈದಾನದ ಕಾವೇರಿ ಕಲಾ ವೇದಿಕೆಯಲ್ಲಿ ನಡೆಯುವ ಸಾಂಸ್ಕೃತಿಕ ಕಾರ್ಯಕ್ರಮಗಳಿಗೆ ಕಲಾತಂಡ ಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ ಎಂದು ಸಾಂಸ್ಕೃತಿಕ ಸಮಿತಿಯ ಅಧ್ಯಕ್ಷ ಶ್ರೀಧರ್ ನೆಲ್ಲಿತಾಯ ತಿಳಿಸಿದ್ದಾರೆ. ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳಲು ಇಚ್ಚಿಸುವ ಕಲಾವಿದರು, ಕಲಾತಂಡಗಳು ತಮ್ಮ ಹೆಸರು, ಪ್ರದರ್ಶಿಸಲು ಇಚ್ಚಿಸುವ ಕಲಾ ಪ್ರಕಾರ, ಅನುಭವ, ತಂಡದಲ್ಲಿನ ಕಲಾವಿದರ ಸಂಖ್ಯೆ, ಸಂಪರ್ಕ ದೂರವಾಣಿ ಇತ್ಯಾದಿ ವಿವರಗಳೊಂದಿಗೆ ಅರ್ಜಿ ಸಲ್ಲಿಸಬಹುದು ಎಂದು ತಿಳಿಸಿದ್ದಾರೆ. ಅರ್ಜಿ ಸಲ್ಲಿಸಲು ತಾ. 22 ರಂದು ಕೊನೆಯ ದಿನವಾಗಿದ್ದು, ಅರ್ಜಿಗಳನ್ನು ಶ್ರೀ. ಕಾವೇರಿ ದಸರಾ ಸಮಿತಿ, ಗ್ರಾಮ ಪಂಚಾಯಿತಿ ಕಚೇರಿ ಕಟ್ಟಡ, ಗೋಣಿಕೊಪ್ಪಲು ವಿಳಾಸಕ್ಕೆ ಸಲ್ಲಿಸಬಹುದು. ಹೆಚ್ಚಿನ ಮಾಹಿತಿಗೆ 9980993027, 9448049095, ಸಂಪರ್ಕಿಸಬಹುದಾಗಿದೆ.