ಶನಿವಾರಸಂತೆ, ಸೆ. 17: ಮನೆಗೆ ಹಾಕಿದ್ದ ಬೀಗ ತೆಗೆದು ಒಳ ನುಗ್ಗಿದ ಕಳ್ಳರು ಬೀರುವಿನಲ್ಲಿರಿಸಿದ್ದ ರೂ. 3 ಲಕ್ಷ ಮೌಲ್ಯದ 110 ಗ್ರಾಂ. ತೂಕದ ಬಂಗಾರದ ಆಭರಣಗಳನ್ನು ಕಳವು ಮಾಡಿರುವ ಘಟನೆ ಸಮೀಪದ ಗೌಡಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕೂಗೂರು ಗ್ರಾಮದಲ್ಲಿ ಸೋಮವಾರ ನಡೆದಿದೆ.

ರೈತ ಕೆ.ಆರ್. ಕುಮಾರಪ್ಪ ಎಂಬವರ ಮನೆಯಲ್ಲಿ ಕಳವಾಗಿದ್ದು, ಬೀರುವಿನಲ್ಲಿದ್ದ 40 ಗ್ರಾಂನ 1 ಜೊತೆ ಪೆಂಡೆಂಟ್, 10 ಗ್ರಾಂನ ಓಲೆ, 6 ಗ್ರಾಂನ ಓಲೆ, 6 ಗ್ರಾಂನ ಉಂಗುರ, 4 ಗ್ರಾಂ ಉಂಗುರ, 3 ಜೊತೆ ಓಲೆ, 12 ಗ್ರಾಂನ ಒಂದು ಬಳೆ, 16 ಗ್ರಾಂನ ಕರಿಮಣಿ ಸರ, 16 ಗ್ರಾಂನ ಚಿಕ್ಕ ಸರ, 4 ಗ್ರಾಂನ ಪೆಂಡೆಂಟ್ ಸೇರಿ ಒಟ್ಟು 110 ಗ್ರಾಂ ಆಭರಣ ಕಳುವಾಗಿರುವದಾಗಿ ಕೆ.ಆರ್. ಕುಮಾರಪ್ಪ ದೂರು ನೀಡಿದ್ದಾರೆ. ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.