ಚೆಟ್ಟಳ್ಳಿ, ಸೆ. 17: ಸಮೀಪದ ಪೊನ್ನತ್ಮೊಟ್ಟೆಯ ಮೌನತುಲ್ ಇಸ್ಲಾಂ ಮದರಸದಲ್ಲಿ ತಾ. 18 ರಂದು (ಇಂದು) ಮಗ್ರಿಬ್ ನಮಾಜಿನ ನಂತರ ಮೊಹಲ್ಲಿಂ ಡೇ (ಅಧ್ಯಾಪಕರ ದಿನ) ಮತ್ತು ಪ್ರಭಾಷಣ ಹಾಗೂ ದುಆ ಮಜ್ಲಿಸ್ ಕಾರ್ಯಕ್ರಮ ನಡೆಯಲಿದೆ ಎಂದು ಮದರಸ ಮುಖ್ಯೋಪಾಧ್ಯಾಯ ಶಹದ್ ಫೈಝಿ ತಿಳಿಸಿದ್ದಾರೆ. ಮುಖ್ಯ ಪ್ರಭಾಷಣವನ್ನು ಅಸ್ಲಮ್ ಅಝ್ಹರಿ ಪ್ಯೊತುಂಗಡವ್ ಕೇರಳ ಮಾಡಲಿದ್ದಾರೆ. ಪ್ರಾರ್ಥನೆಯನ್ನು ಮಹಲ್ ಖತೀಬರಾದ ಶಾದುಲಿ ಸಖಾಫಿ ನೆರವೇರಿಸಲಿದ್ದಾರೆ.

ವಿ.ಪಿ. ಮೊಯಿದೀನ್ ಮಹಲ್ ಕಾರ್ಯದರ್ಶಿ, ಹಸನ್ ಕುಟ್ಟಿ ಉಪಾಧ್ಯಕ್ಷರು, ಆರಿಫ್ ಫೈಝಿ ಸಿದ್ದಾಪುರ ರೇಂಜ್ ಅಧ್ಯಕ್ಷರು, ಶಹದ್ ಫೈಝಿ , ಜಲಾಲ್ ಮೌಲವಿ, ಹಾಗೂ ಮುಹಯದ್ದೀನ್ ಸಖಾಫಿ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ ಎಂದು ಶಹದ್ ಫೈಝಿ ತಿಳಿಸಿದ್ದಾರೆ.