ಸೋಮವಾರಪೇಟೆ, ಸೆ. 25: ಗೋಣಿಮರೂರು ಕ್ಲಸ್ಪರ್‍ಮಟ್ಟದ ಪ್ರತಿಭಾ ಕಾರಂಜಿ ಮತ್ತು ಕಲೋತ್ಸವ ಕಾರ್ಯಕ್ರಮ ಆಲೂರು-ಸಿದ್ದಾಪುರದ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ನಡೆಯಿತು.

ಮಸಗೋಡು ಚನ್ನಮ್ಮ ಆಂಗ್ಲ ಮಾಧ್ಯಮ ಶಾಲೆಯ ವಿದ್ಯಾರ್ಥಿಗಳು 10 ವಿಭಾಗಗಳಲ್ಲಿ ಪ್ರಥಮ ಹಾಗೂ 9 ವಿಭಾಗಗಳಲ್ಲಿ ದ್ವಿತೀಯ ಸ್ಥಾನಗಳನ್ನು ಪಡೆಯುವ ಮೂಲಕ ಸಮಗ್ರ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡು ತಾಲೂಕು ಮಟ್ಟಕ್ಕೆ ಆಯ್ಕೆಯಾದರು.

ಕಿರಿಯ ಪ್ರಾಥಮಿಕ ವಿಭಾಗದ ಕನ್ನಡ ಕಂಠಪಾಠ ಸ್ಪರ್ಧೆಯಲ್ಲಿ ಮೋನಿಷ ಹೆಚ್.ಪಿ, ಇಂಗ್ಲಿಷ್ ಕಂಠಪಾಠದಲ್ಲಿ ಕಿರಣ್ ಕೆ.ಎಸ್., ಅರೇಬಿಕ್ ಧಾರ್ಮಿಕ ಪಠಣದಲ್ಲಿ ತೌಫಿಕ್ ಎಂ.ಸ್. ಪ್ರಥಮ ಸ್ಥಾನ ಗಳಿಸಿದರು.

ಹಿರಿಯ ಪ್ರಾಥಮಿಕ ವಿಭಾಗದ ಕನ್ನಡ ಕಂಠಪಾಠ ಸ್ಪರ್ಧೆಯಲ್ಲಿ ನಾಷಿದ ಎಸ್.ಎಸ್., ಧಾರ್ಮಿಕ ಅರೇಬಿಕ್‍ನಲ್ಲಿ ಅಷ್ಪಲ್, ಆಶುಭಾಷಣದಲ್ಲಿ ಸ್ಪಂದನ, ಜಾನಪದ ನೃತ್ಯದಲ್ಲಿ ಸಾನಿಕ ಮತ್ತು ತಂಡ, ಧಾರ್ಮಿಕ ಪಠಣದಲ್ಲಿ ಆದಿಲ್, ಕನ್ನಡ ಭಾಷಣ ಮತ್ತು ಆಶುಭಾಷಣ ಸ್ಪರ್ಧೆಯಲ್ಲಿ ಅಹಲ್ಯ ಹೆಚ್.ಶೆಟ್ಟಿ ಬಹುಮಾನ ಪಡೆದರು. ಆದಿಲ್ ಮತ್ತು ಅಹಲ್ಯ ಅವರುಗಳು ತಾಲೂಕು ಮಟ್ಟಕ್ಕೆ ಆಯ್ಕೆಯಾದರು.