ಸುಂಟಿಕೊಪ್ಪ, ಜ.27: ಕರ್ನಾಟಕ ರಾಜ್ಯ ಲಾಟರಿ ಚಿಲ್ಲರೆ ಮಾರಾಟಗಾರರ ಸಂಘದಿಂದ ನಾಲ್ವಡಿ ಕೃಷ್ಣರಾಜ್ ಒಡೆಯರ್ ಅವರ ಜನ್ಮಶತಮಾನೋತ್ಸವ ಆಚರಣೆ ಹಾಗೂ ಸ್ಮರಣೆ ಕಾರ್ಯಕ್ರಮ ವನ್ನು ತಾ. 2-2-2020 ರಂದು ಬೆಳಿಗ್ಗೆ ಬೆಂಗಳೂರಿನ ರವೀಂದ್ರ ಕಲಾ ಕ್ಷೇತ್ರದಲ್ಲಿ ಏರ್ಪಡಿಸಲಾಗಿದೆ. ಕಾರ್ಯಕ್ರಮದ ದಿವ್ಯಸಾನಿಧ್ಯವನ್ನು ಚಿತ್ರದುರ್ಗ ಬ್ರಹ್ಮನ್ಮಠದ ಡಾ. ಶಿವಮೂರ್ತಿ ಮುರುಘ ರಾಜೇಂದ್ರ ಮಹಾಸ್ವಾಮಿ ವಹಿಸಲಿರುವರು. ಸಾನಿಧ್ಯವನ್ನು ಮೈಸೂರಿನ ರಾಜ ವಂಶಸ್ಥರಾದ ಮಹಾರಾಜರಾದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ವಹಿಸಲಿರುವರು ಉಪಸ್ಥಿತಿ ನಿವೃತ್ತ ಲೋಕಾಯುಕ್ತರಾದ ಡಾ.ಎನ್. ಸಂತೋಷ್ ಹೆಗಡೆ, ಅತಿಥಿಗಳಾಗಿ ಚಿಂತಕರು ಹಿರಿಯ ಪತ್ರಕರ್ತರಾದ ರವೀಂದ್ರ ರೇಷ್ಮ ಆಗಮಿಸಲಿರುವರು. ಅಧ್ಯಕ್ಷತೆಯನ್ನು ಕರ್ನಾಟಕ ರಾಜ್ಯ ಲಾಟರಿ ಚಿಲ್ಲರೆ ಮಾರಾಟಗಾರರ ಸಂಘದ ಅಧ್ಯಕ್ಷ ರಾಮಕೃಷ್ಣ ವಹಿಸಲಿರುವರು. ನ್ಯಾಯವಾದಿಗಳು ಸಮಾಜ ಸೇವಕರಾದ ಕೆಂಪರಾಜು, ದೃಶ್ಯ ಮಾಧÀ್ಯಮದ ವರದಿಗಾರ್ತಿ ವಿಜಯಲಕ್ಷ್ಮಿ, ಶಿಬಿರೂರ್ ಅವರು ಗಳನ್ನು ಸನ್ಮಾನಿಸಲಾಗುವುದು.