ಸುಂಟಿಕೊಪ್ಪ, ಜ.27: ಬೊಯಿಕೇರಿಯ ಶ್ರೀ ಸಿದ್ಧಿಬುದ್ಧಿ ವಿನಾಯಕ ದೇವಾಲಯದ 5ನೇ ವರ್ಷದ ಪ್ರತಿಷ್ಠಾ ವಾರ್ಷಿಕೋತ್ಸವವು ಭಕ್ತಾಧಿಗಳ ಸಮ್ಮುಖದಲ್ಲಿ ಶ್ರದ್ಧಾಭಕ್ತಿಯಿಂದ ನಡೆಯಿತು.

ಬೆಳಿಗ್ಗೆ 8.30 ಗಂಟೆಗೆ ಸ್ವಸ್ತಿ ಪುತ್ಸಾಹ, 9 ಗಂಟೆಗೆ ನವಕಳಸ 10.15ಕ್ಕೆ 108 ತೆಂಗಿನಕಾಯಿಯಿಂದ ಮಹಾಗಣಪತಿಗೆ ಹೋಮ, 10.30 ನವಕಲಶಾಭಿಷೇಕ, 12 ಗಂಟೆಗೆ ಪೂರ್ಣಾಹುತಿ 12.30 ಗಂಟೆಗೆ ಮಹಾಗಣಪತಿ ತೀರ್ಥ ಪ್ರಸಾದವನ್ನು ವಿತರಿಸಲಾಯಿತು. 1.30 ಗಂಟೆಗೆ ಅನ್ನ ಸಂತರ್ಪಣೆ ಏರ್ಪಡಿಸಲಾಯಿತು.

ಜಗದೀಶ ಉಡುಪ ಆರ್ಚಕರ ನೇತೃತ್ವದ ತಂಡ ಮಹಾಗಣಪತಿ ಪೂಜಾ ವಿಧಿ ವಿಧಾನದ ಕೈಂಕಾರ್ಯವನ್ನು ನಡೆಸಿಕೊಟ್ಟರು.

ಬೊಯಿಕೇರಿ ಇಬ್ನಿವಳವಾಡಿ ಗ್ರಾಮದ ಸಿದ್ಧಿಬುದ್ಧಿ ಮಹಾಗಣಪತಿ ದೇವಾಲಯದ ಆಡಳಿತ ಮಂಡಳಿ ಅಧ್ಯಕ್ಷರಾದ ಬಿ.ಎಚ್. ಹರೀಶ ಹಾಗೂ ಪದಾಧಿಕಾರಿಗಳು ಉಪಸ್ಥಿತರಿದ್ದರು.