ಸಿದ್ದಾಪುರ, ಜ. 27: ವಿದ್ಯುತ್ ಬಿಲ್ ಪಾವತಿಸಲು ತಿಳಿಸಿದ ಲೈನ್ ಮೆನ್ ಮೇಲೆ ವ್ಯಕ್ತಿಯೋರ್ವ ಹಲ್ಲೆ ನಡೆಸಿದ ಘಟನೆ ಅಮ್ಮತ್ತಿ ಸಮೀಪದ ಬಿಳುಗುಂದ ಗ್ರಾಮದಲ್ಲಿ ನಡೆದಿದೆ.

ಅಮ್ಮತ್ತಿ ಹೋಬಳಿಯ ಬಿಳುಗುಂದ ಗ್ರಾಮದ ನಿವಾಸಿ ಅಹ್ಮಾನುಲ್ಲಾಖಾನ್ ಎಂಬವರು ವಿದ್ಯುತ್ ಬಿಲ್ಲನ್ನು ಪಾವತಿಸಿದೆ ಬಾಕಿ ಉಳಿಸಿಕೊಂಡಿದ್ದರು ಎನ್ನಲಾಗಿದೆ. ಈ ಬಗ್ಗೆ ಅಮ್ಮತ್ತಿ ಹೋಬಳಿಯ ವಿದ್ಯುತ್ ಲೈನ್ ಮೆನ್ ಬೀರಪ್ಪ ಈರಪ್ಪ ಪೋಟೆರ ಎಂಬವರು ಅಹ್ಮಾನುಲ್ಲಾಖಾನ್ ರವರಿಗೆ ಬಿಲ್ ಪಾವತಿಸಲು ತಿಳಿಸಿದರು ಎನ್ನಲಾಗಿದೆ.

ಈ ಸಂದರ್ಭಅಹ್ಮಾನುಲ್ಲಾಖಾನ್ ಅವರ ಮಗ ಜಿಯಾ ಮನೆಮುಂಭಾಗದಲ್ಲಿ ಲೈನ್ ಮ್ಯಾನ್ ಮೇಲೆ ಹಲ್ಲೆ ನಡೆಸಿದರೆಂದು ಲೈನ್ ಮೆನ್ ಬೀರಪ್ಪ ಈರಪ್ಪ ಪೋಟೆರ ವೀರಾಜಪೇಟೆ ಗ್ರಾಮಾಂತರ ಪೋಲಿಸ್ ಠಾಣೆಗೆ ಪುಕಾರು ನೀಡಿದ್ದಾರೆ. ಹಲ್ಲೆಗೆ ಒಳಗಾದ ಲೈನ್ ಮೆನ್ ಅಮ್ಮತ್ತಿ ಯ ಖಾಸಗಿ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಾಗಿದ್ದಾರೆ. ಪೋಲಿಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.